ওপজা দিনত ছুপাৰষ্টাৰ ৰজনীকান্তক শুভেচ্ছা জনালে প্ৰধানমন্ত্ৰীয়ে

আজি ছুপাৰষ্টাৰ ৰজনীকান্তৰ ৭০ সংখ্যক ওপজা দিন । টুইটযোগে ৰজনীকান্তক জন্মদিনৰ শুভেচ্ছা জনালে প্ৰধানমন্ত্ৰী নৰেন্দ্ৰ মোদীয়ে ।

চিটাৰা ডেস্ক, ১২ ডিচেম্বৰ: প্ৰধানমন্ত্ৰী নৰেন্দ্ৰ মোদীয়ে টুইটযোগে তামিল ছবি জগতৰ ছুপাৰষ্টাৰ ৰজনীকান্তক শুভেচ্ছা জ্ঞাপন কৰে । ৭০ সংখ্যক ওপজা দিনত তেওঁৰ দীৰ্ঘায়ু আৰু সু-স্বাস্থ্যৰ কামনা কৰে প্ৰধানমন্ত্ৰীগৰাকীয়ে । ১৯৫০ চনৰ আজিৰ দিনটোতে শিৱাজী ৰাও গাৱেকৱাড় ওৰফে ৰজনীকান্তে জন্ম গ্ৰহণ কৰে । কেৱল অভিনয়েৰে দৰ্শকৰ হৃদয় জয় কৰাই নহয়, পৰিচালক আৰু স্ক্ৰীপ্ট ৰাইটাৰ হিচাপে তেওঁ সুখ্যাতি লাভ কৰিছে ।

আনহাতে, বছৰ বছৰ ধৰি চলি থকা জল্পনা-কল্পনাৰ অন্তত শেহতীয়াকৈ ৰজনীকান্তে ৰাজনৈতিক দল গঠনৰ কথা ঘোষণা কৰিছে আৰু আগন্তুক বিধানসভা নিৰ্বাচনত প্ৰতিদ্বন্দিতা কৰিব বুলিও স্পষ্ট কৰি দিয়ে ।

লগতে পঢ়ক:বলীউডৰ অভিনেত্ৰী আৰ্যা বেনাৰ্জীৰ মৃত্যু