চিটাৰা ডেস্ক,2 জানুৱাৰী :দক্ষিণৰ জনপ্ৰিয় অভিনেতা মোহনলাল অভিনীত বহু প্ৰত্যাশিত তামিল ছবি ‘দৃশ্যম 2’ৱে মুক্তিলাভ কৰিব অ’টিটি প্লেটফ’ৰ্মত ৷ পহিলা জানুৱাৰীত অভিনেতা মোহনলালে ছবিখনৰ টিজাৰ শ্বেয়াৰ কৰা পৰিলক্ষিত হয় ৷ ফেচবুকযোগে ছবিখন আমাজন প্ৰাইম ভিডিঅ’ত মুক্তিলাভ কৰিব বুলি ঘোষণা কৰে অভিনেতা গৰাকীয়ে ৷
2013 চনত দৃশ্যমৰ প্ৰথম অংশ মুক্তিলাভ কৰিছিল ৷ পৰৱৰ্তী সময়ত বহুকেইটা ভাষাত নিৰ্মাণ কৰা হয় ছবিখন ৷ 7 বছৰৰ অন্তত পুনৰ দৃশ্যমৰ দ্বিতীয় অংশৰ মুক্তিলাভৰ বাবে সাজু হৈছে ছবি নিৰ্মাতা তথা কলা-কুশলী ৷
ছবিখনৰ কাহিনী অনুসৰি জৰ্জকুট্টী (মোহনলালে ৰূপায়ন কৰা চৰিত্ৰ) আৰু তেওঁৰ পৰিয়ালে দুৰ্ভাগ্যজনকভাৱে এক সমস্যাৰ সন্মুখীন হয় আৰু তাৰ পাচতে কাহিনীটো আৰম্ভ হয় ৷
শুকুৰবাৰে মুক্তিলাভ কৰা ছবিখনৰ 1 মিনিট 18 ছেকেণ্ডৰ টিজাৰটোৰ দ্বাৰা দৰ্শকে দৃশ্যম 2ৰ কাহিনী কোনো স্পষ্টতা লাভ নকৰে যদিও টিজাৰত দেখুওৱা ৰাজাক্কাড় আৰক্ষী থানাৰ পৰা পৰিয়ালটোৰ অতীত আৰু ভৱিষ্যৎ সম্পৰ্কে দৰ্শকে অনুমান কৰিব পাৰিব ৷ টিজাৰত ছবি পৰিচালকে জৰ্জকুট্টীৰ পৰিয়ালৰ গোপন কথা ফাদিল হ’বনে নাই তাক ৰহস্যৰ আৱৰ্তত ৰাখিছে ৷
জিতু জোচেফৰ দ্বাৰা লিখিত কাহিনী আৰু পৰিচালনাত নিৰ্মিত দৃশ্যম 2ত মোহনলালৰ বিপৰীতে মুখ্য চৰিত্ৰত দেখা পাব দক্ষিণৰ অভিনেত্ৰী মীনাক ৷ ছবিখনৰ প্ৰযোজনাত আছে এণ্টনী পেৰুম্বাভোৰ আৰু আশীৰ্বাদ চিনেমাজৰ বেনাৰত নিৰ্মাণ কৰা হৈছে এই ছবিখন ৷ আমাজন প্ৰাইম ভিডিঅ’ত মুক্তিলাভ কৰিবলগীয়া দৃশ্যম 2ৰ বৰ্তমানো প্ৰকাশ কৰা নাই মুক্তিৰ তাৰিখ ৷ ইফালে টিজাৰ মুকলি হোৱাৰ পাচত ছবিখন ছবিগৃহত মুক্তিলাভৰ আশা প্ৰকাশ কৰিছে অনুৰাগীসকলে ৷
লগতে পঢ়ক :ৰাংথামবোৰৰ পৰা নৱবৰ্ষৰ প্ৰথমখন ফটো শ্বেয়াৰ ৰণবীৰ সিঙৰ
