একাংশই কিয় ভাল পোৱা নাই কবীৰ সিং ! পুৰুষত্বৰ এক বিষাক্ত ৰূপ উদঙাইছে নেকি কবীৰ সিঙে !

নিউজ ডেক্স,২৩ জুনঃ সম্প্ৰতি চৰ্চাত আছে শেহতীয়াকৈ মুক্তি পোৱা চলচ্চিত্ৰ কবীৰ সিং। এটা সুন্দৰ আৰম্ভণিৰে মুক্তিৰ দুটা দিনৰ ভিতৰতে অৰ্জন কৰিবলৈ সক্ষম হৈছে ২০.২১ কোটি টকা । মূলতঃ কবীৰ সিং চলচ্চিত্ৰখন হ'ল তেলেগু ব্লকব্লাষ্টাৰ 'অৰ্জুন ৰেড্ডী'ৰ ৰি মেক ।

একাংশই কিয় ভাল পোৱা নাই কবীৰ সিং

চলচ্চিত্ৰখনত কবীৰ সিঙে (শ্বাহিদ কাপুৰ) এজন ডাক্তৰৰ চৰিত্ৰ ৰূপায়ন কৰিছে, যি খুবেই খঙাল ৷ কবীৰ সিঙে প্ৰীতি( কিয়াৰা আদৱানী )ক লগ পাই ডাক্তৰ পঢ়ি থকা দিনত মেডিকেল কলেজত । দুয়োৰে মাজত পঢ়ি থকাৰ সময়চোৱাত দুৰ্দান্ত প্ৰেম হয় । কবীৰ সিঙৰ বাবে কবীৰৰ প্ৰেমিকা প্ৰীতি( কিয়াৰা আদৱানী ) অভ্যাসলৈ পৰিণত হৈ যায় । চলচ্চিত্ৰখনত কবীৰ সিঙৰ চৰিত্ৰটো যিমানেই শক্তিশালী ৰূপত প্ৰতিপন্ন কৰিছে সিমানেই প্ৰীতিৰ চৰিত্ৰটো খুবেই নিৰৱতাৰ মাজেৰে নিছে । কিন্তু কবীৰৰ যাত্ৰা আৰম্ভ হয় তাৰ পাছৰ পৰাহে । দুয়োৰে প্ৰেমৰ সম্পৰ্ক প্ৰীতিৰ ঘৰখনে গ্ৰহণ নকৰাত কবীৰ সিং খুবেই উত্তেজিত হৈ পৰে । কিয়াৰাৰ অন্য এগৰাকী পুৰুষৰ সৈতে বিয়া হোৱাৰ পাছত কবীৰ উত্তাৱল হৈ খুবেই নিচাসক্ত হৈ পৰাৰ লগতে যৌনপিপাসু হৈ পৰে । চলচ্চিত্ৰখনক একাংশই সমালোচনা কৰিছে যে, বহুতৰে এনে অনুভৱ হৈছে যে চলচ্চিত্ৰখনে নাৰীৰ ওপৰত পুৰুষৰ এক বলপূৰ্বক ব্যৱহাৰৰ দিশটো প্ৰতিফলিত কৰিছে । আনফালে সকলোৱে শ্বাহিদ কাপুৰৰ দুৰ্দান্ত অভিনয়ৰ শলাগ লৈছে ।