চিটাৰা ডেস্ক, ২০ নৱেম্বৰ: নেটফ্লিক্সত মুক্তি পাবলগীয়া এক্সন-এডভেন্সাৰ ছবি 'উই কেন বি হিৰ'জ'ৰ দৃশ্যগ্ৰহণৰ সময়খিনি আটাইতকৈ ভাল সময় আছিল বুলি টুইটযোগে প্ৰকাশ কৰে প্ৰিয়ংকা চৌপ্ৰা জ'নাছে । টুইটযোগে এক্সন-এডভেন্সাৰ ছবি 'উই কেন বি হিৰ'জ'ৰ ট্ৰেইলাৰ শ্বেয়াৰ কৰি প্ৰিয়ংকা বৰ্তমান দৰ্শকৰ প্ৰতিক্ৰিয়াৰ বাবে অপেক্ষাৰত বুলি মন্তব্য কৰে । 'উই কেন বি হিৰ'জ' প্ৰিয়ংকাক এজাক শিশুৰ বিপৰীতে দেখুওৱা হৈছে যিসকল শিশুৰ ছুপাৰহিৰো পিতৃ-মাতৃক এলিয়েনছে অপহৰণ কৰে আৰু শিশুসকলে অপহৃত পিতৃ-মাতৃক উদ্ধাৰৰ চেষ্টা চলায় ।
ছবিখন নিৰ্মাণ, নিৰ্দেশনাৰ লগতে কাহিনীভাগ ৰচনা কৰিছে ব্লকব্লাষ্টাৰ ছবি এলিটা: বেটেল এঞ্জেলৰ নিৰ্মাতা ৰবাৰ্ট ৰড্ৰিগেজে। প্ৰিয়ংকাই বৃহস্পতিবাৰে টুইটযোগে ছবিখনৰ ট্ৰেইলাৰ শ্বেয়াৰ কৰে আৰু দৃশ্যগ্ৰহণস্থলীত কটোৱা মধুৰ মুহূৰ্ত ৰোমন্থন কৰে । অভিনেত্ৰীগৰাকীয়ে কয় যে, 'দৃশ্যগ্ৰহণৰ সময়খিনি, বিশেষভাৱে ৰবাৰ্ট ৰড্ৰিগেজ আৰু চুপাৰ কিডছৰ সৈতে কটোৱা সময়খিনি মোৰ বাবে অতিকৈ ভাল সময় আছিল ।'