কোকৰাঝাৰত গ'ল্ড চিনেমা হলৰ শুভাৰম্ভণি

দেওবাৰে কোকৰাঝাৰ চহৰৰ জে ডি ৰ'ডত নৱ নিৰ্মিত গ'ল্ড চিনেমা হলৰ শুভাৰম্ভ কৰে বড়ো ছবি নিৰ্মাতা আৰু প্ৰযোজক জংদাও বডোসাই ৷ ছবিগৃহটো মুক্তি কৰি যথেষ্ট উৎফুল্লিত হৈ পৰে নিৰ্মাতাগৰাকী৷

কোকৰাঝাৰ, 5 মে': বিটিএডিবাসীৰ বাবে সু-খবৰ, পোন প্ৰথম বাৰৰ বাবে বিটিএডিৰ মুখ্য চহৰ কোকৰাঝাৰত শুভাৰম্ভ কৰা হ'ল গ'ল্ড চিনেমা হলৰ৷ দেওবাৰে জে ডি ৰ'ডত নৱ নিৰ্মিত গ'ল্ড চিনেমা হলৰ শুভাৰম্ভ কৰে বড়ো ছবি নিৰ্মাতা তথা প্ৰযোজক জংদাও বডোসাই ৷ ছবিগৃহটো মুক্তি কৰি যথেষ্ট উৎফুল্লিত হৈ পৰে নিৰ্মাতাগৰাকী৷ বিটিএডি ৰাইজৰ বহু বছৰীয়া আশা পূৰণ হ'ল বুলি উল্লেখ কৰি আগন্তুক সময়ত ছবিপ্ৰেমী ৰাইজৰ অধিক সহযোগিতা লাভ কৰিব বুলি আশা প্ৰকাশ কৰে প্ৰযোজকগৰাকীয়ে ৷

ইপিনে ছবিগৃহটোৰ মুক্তিৰ প্ৰথম দিনাই পৰিলক্ষিত হ'ল দৰ্শকৰ লানি নিচিগা ভিৰ ৷ লগতে ছবিজগত আৰু সংস্কৃতি প্ৰেমী ৰাইজেও কোকৰাঝাৰ চহৰত চিনেমা হল স্থাপন হোৱাকলৈ আনন্দ প্ৰকাশ কৰে ।