চিটাৰা ডেস্ক,18 ডিচেম্বৰ : 'Wonder Woman'ৰ অভিনেত্ৰী গাল গডোৱে বৃহস্পতিবাৰে তেওঁৰ বিশেষ ছবি স্মাৰকৰ এখন ফটো শ্বেয়াৰ কৰে ৷ এই ফটোখন হৈছে তেওঁৰ DCEU (DC Extended Universe) চৰিত্ৰৰ বাবে ব্যৱহৃত এটি হেডগেয়াৰৰ ফটো ৷
ইজৰাইলী অভিনেত্ৰী গাল গডোৱে ফ্ৰেন্সাইজ 'Wonder Woman'ৰ দুয়োখন ছবিতে এই হেডগেয়াৰটো পৰিধান কৰিছিল ৷ ইনষ্টাগ্ৰামযোগে ফটোখন শ্বেয়াৰ কৰে অভিনেত্ৰী গৰাকীয়ে ৷ তেওঁৰ কৰ্মৰ স্মৃতি হিচাপে এই স্মাৰকটো তেওঁৰ নিজ বাসগৃহত সাঁচি ৰখাৰ কথা উল্লেখ কৰে ৷ আনহাতে হেডগেয়াৰটোৰ চিহ্ন হিচাপে তেওঁ শক্তি, উত্তৰাধিকাৰ আৰু আশাৰ কথা ব্যক্ত কৰিছে ৷