বহুদিনৰ বিৰতিৰ পিচত পুলিচৰ ৰূপত উভতিছে অভিনেতা ৰজনীকান্ত

ৰজনীকান্তৰ অনুৰাগীসকলৰ বাবে সুখবৰ । কাৰণ ৰজনীকান্ত সাজু হৈছে তেওঁৰ নতুন চলচ্চিত্ৰৰ বাবে। মুকলি হ'ল তেওঁৰ আহিবলগীয়া চলচ্চিত্ৰ দৰবাৰৰ প'ষ্টাৰ ।

নিউজ ডেক্স,৯ এপ্ৰিলঃ মঙলবাৰে মুক্তি পালে "দৰবাৰৰ" প্ৰথমখন প'ষ্টাৰ। এ. আৰ মুৰুগাড'চৰ দ্বাৰা নিৰ্মিত চলচ্চিত্ৰখনত মুখ্য চৰিত্ৰত অভিনয় কৰিছে চুপাৰষ্টাৰ ৰজনীকান্তে । প'ষ্টাৰখনত ৰজনীকান্তক এক বিশেষ ৰূপত দেখা গৈছে । আশা কৰা হৈছে যে যথেষ্ট মনোৰঞ্জনধৰ্মীৰ হ'ব এই চলচ্চিত্ৰখন । উল্লেখ্য যে, প্ৰায় ২৫ বছৰৰ অন্তত ৰজনীকান্তক দেখিবলৈ পাব পুলিচৰ চৰিত্ৰত ।

তেওঁ ১৯৯২ চনতে শেষৰবাৰৰ বাবে পাণ্ডিয়ান চলচ্চিত্ৰখনত পুলিচৰ চৰিত্ৰত অভিনয় কৰিছিল চুপাৰষ্টাৰ। পিচে সময়তহে গম পোৱা যাব ৰজনীকান্তৰ জীৱনৰ ১৬৭ সংখ্যক চলচ্চিত্ৰখনক দৰ্শকে কেনেদৰে আঁকোৱালি লয়।