চিটাৰা ডেস্ক,29 জানুৱাৰী : আগন্তুক 13 মে’ত সমগ্ৰ বিশ্বৰ ছবিগৃহত মুক্তিলাভ কৰিব দক্ষিণৰ জনপ্ৰিয় অভিনেতা চিৰঞ্জীৱি অভিনীত ছবি ‘আচাৰ্য’ ৷ বহু প্ৰত্যাশিত এই তেলেগু এক্সন ছবিখনৰ পৰিচালনাত আছে পৰিচালক কোৰাতালা শিৱ ৷
ছবিখনত চিৰঞ্জীৱিৰ সৈতে মুখ্য চৰিত্ৰত দেখিবলৈ পোৱা যাব বলিউড অভিনেতা চনু চুড আৰু অভিনেত্ৰী কাজল আগৰৱালক ৷ অন্যহাতে, ছবিখনত অভিনেতা ৰাম চৰণৰ পুত্ৰই এক গুৰুত্বপূৰ্ণ ভূমিকাত অভিনয় কৰিছে ৷
শুকুৰবাৰে টুইটাৰযোগে ছবিখনৰ টিজাৰ শ্বেয়াৰ কৰি ছবিখনৰ মুক্তিৰ তাৰিখ ঘোষণা কৰে বাহুবলী চিৰঞ্জীৱিয়ে ৷ চিৰঞ্জীৱিয়ে লিখিছে, “#AcharyaOnMay13” ৷