নিউজ ডেস্ক,৯ এপ্ৰিলঃমাজুলীৰ লগতে সমগ্ৰ অসমবাসীৰ বাবে সুখবৰ । কাৰণ মাজুলীৰ প্ৰেক্ষাপটত নিৰ্মিত হৈছে অসমীয়া ছবি বৰনদী ভটিয়ায় । মঙলবাৰে চান্দমাৰীত ট্ৰেইলাৰ মুকলি কৰা হয় উদীয়মান পৰিচালক অনুপম কৌশিক বৰাৰ বাস্তৱধৰ্মী ছবি বৰনদী ভটিয়ায়ৰ ৷ মঙলবাৰে ট্ৰেইলাৰ মুকলি অনুষ্ঠানত চলচ্চিত্ৰখনৰ কলা-কুশলীৰ লগতে কেইবাজনো চলচ্চিত্ৰ আৰু সংগীত জগতৰ লোক উপস্থিত থাকে ।
উল্লেখ্য যে, ছবিখনে ইতিমধ্যে মুম্বাইৰ MAMI আৰু গুৱাহাটীৰ BVFF চলচিত্ৰ উৎসৱত প্ৰশংসিত হৈছে । তৰালী শৰ্মাৰ সুন্দৰ সংগীত আৰু হাস্যৰসৰো সংমিশ্ৰণ ঘটা ছবিখনে দৰ্শকক এক অন্য সোৱাদ দিব ৷ ট্ৰেইলাৰ মুকলি অনুষ্ঠানত উপস্থিত থকা ব্যক্তি সকলে চলচ্চিত্ৰখনৰ প্ৰশংসা কৰে ৷ অসমীয়া ছবিৰ দৰ্শকক এক ব্যতিক্ৰমী ৰস দিব খোজা বৰনদী ভটিয়ায় ছবিখন অহা মে’ মাহৰ 3 তাৰিখে ছবিগৃহলৈ আহিব ৷ প্ৰথমখন ছবি পৰিচালনা কৰা অনুপম কৌশিক বৰাই এই ছবিখন অসমৰ ৰাইজে আকোঁৱালি ল'ব বুলি আশা প্ৰকাশ কৰে ৷