অমিতাভ বচ্চনলৈ দাদা চাহেব ফাল্কে বঁটা

বিগ-বি ক প্ৰদান কৰা হ’ব ভাৰতীয় চিনেমা জগতৰ সৰ্বোচ্চ সন্মান দাদা চাহেব ফাল্কে বঁটা ৷ ভাৰতীয় চিনেমা জগতত দিয়া অভূতপূৰ্ণ অৱদানৰ বাবেই অমিতাভ বচ্চনক প্ৰদান কৰা হ’ব এই বিশেষ সন্মান ৷ মঙলবাৰে এই কথা প্ৰকাশ কৰে কেন্দ্ৰীয় তথ্য আৰু প্ৰচাৰ মন্ত্ৰী প্ৰকাশ জাৱেদকাৰে ৷

নিউজ ডেস্ক, 24 ছেপ্টেম্বৰঃবলিউডৰ মহানায়ক অমিতাভ বচ্চনৰ অনুৰাগীৰ বাবে আহিছে এক সুখবৰ ৷ ‘যনজীৰ’, ‘অগ্নিপথ’, ‘শ্ব’লে’, ‘পা’, ‘দিৱাৰ’, ‘ডন’, ‘চৰকাৰ’, ‘পিকু’, ‘আনন্দ’, ‘ছাৰাবি’, ‘অমৰ আকবৰ এন্থনী’, ‘চাট্টে পে চাট্টা’, ‘নমক হাৰাম’, ‘মুকাদ্দাৰ কা চিকাণ্ডাৰ’ ‘ব্লেক’ আদিৰ দৰে চিনেমাত বলিষ্ঠ অভিয়নৰ পৰিচয় দিয়া অভিনেতাগৰাকীলৈ বলিউডত দিয়া অভূতপূৰ্ব অৱদানৰ বাবে প্ৰদান কৰা হৈছে ভাৰতীয় চিনেমা জগতৰ সৰ্বোচ্চ সন্মান দাদা চাহেব ফাল্কে বঁটা ৷ মঙলবাৰে টুইটাৰ যোগে এই কথা প্ৰকাশ কৰে কেন্দ্ৰীয় তথ্য আৰু প্ৰচাৰ মন্ত্ৰী প্ৰকাশ জাৱেদকাৰে ৷

জাৱেদকাৰে কয় য়ে, বলিউডৰ মহানায়ক অমিতাভ বচ্চনে যোৱা দুটা দশকে বিশ্ববাসীক মনোৰঞ্জনৰ লগতে প্ৰেৰণা দি আহিছে ৷ দাদা চাহেব ফাল্কে বঁটাৰ বাবে তেওঁক মনোনীত কৰা হৈছে ৷ দেশবাসীৰ লগতে সমগ্ৰ বিশ্বৰ বাবে এই সুখৰ খবৰ ৷ তেওঁক মোৰ ফালৰ পৰা অলেখ শুভকামনা ৷ 2018 বৰ্ষৰ বাবে এই বঁটা প্ৰদান কৰা হৈছে অমিতাভ বচ্চনক ৷ উল্লেখ্য যে, 1969 চনত ‘সাত হিন্দুস্তানী’ নামৰ চিনেমাৰে বলিউডত প্ৰথম খোজ দিছিল অমিতাভ বচ্চনে ৷

দাদা চাহেব ফাল্কে বঁটাপ্ৰাপ্তৰ তালিকা -

নাম	চন
দেৱীকা ৰাণী	1969
বীৰেন্দ্ৰ নাথ চিৰকাৰ	1970
পৃথ্বী ৰাজ কাপুৰ	1971
পংকজ মল্লিক	1972
ৰুৱী মাইয়েৰ্ৰ্চ (ছোলচানা)	1973
ব’মীৰেড্ডী নৰছিম্হা ৰেড্ডী	1974
ধীৰেন্দ্ৰ নাথ গাংগুলী	1975
কন্নন দেৱী	1976
নিতিন ব’ছ	1977
ৰায়চন্দ ব’ড়াল	1978
শ্বহৰাৱ মোডী	1979
পাইডী জয়ৰাজ	1980
নৌশ্বাদ	1981
এল বি প্ৰসাদ	1982
দুৰ্গা খ’টে	1983
সত্যজীৎ ৰায়	1984
ভি শান্তাৰাম	1985
বী নাগী ৰেড্ডী	1986
ৰাজ কাপুৰ	1987
অশোক কুমাৰ	1988
লতা মাংগেশকাৰ	1989
অক্কিনেনী নাগেশ্ৱাৰা ৰাও	1990
ভালজী পেণধৰ	1991
ভূপেন হাজৰিকা	1992
মজৰুহ চুলতানপুৰী	1993
দিলীপ কুমাৰ	1994
ৰাজকুমাৰ (কন্নড়)	1995
শিৱাজী গণেশন	1996
কবি প্ৰদীপ	1997
বী আৰ চোপ্ৰা	1998
ঋষিকেশ মুখাৰ্জী	1999
আশা ভোঁসলে	2000
যশ চোপ্ৰা	2001
দেৱ আনন্দ	2002
মৃণাল সেন	2003
অদুৰ গৌপালকৃষ্ণণ	2004
শ্যাম বেনেগাল	2005
তপন সিনহা	2006
মন্না ডে	2007
বী কে মুৰ্থী	2008
ডী ৰামানায়ডু	2009
কে বালাচন্দৰ	2010
সৌমিত্ৰ চটাৰ্জী	2011
প্ৰাণ	2012
গুলজাৰ	2013
শশী কাপুৰ	2014
মনোজ কুমাৰ	2015
কে বিশ্বনাথ	2016
বিনোদ খান্না	2017
অমিতাভ বচ্চন	2018