চিটাৰা ডেস্ক, 27 মে’: মুক্তিৰ 43 টা বছৰ সম্পূৰ্ণ কৰিলে বলিউডৰ ব্লকবাষ্টাৰ কমেডী ছবি ‘অমৰ আকবৰ এন্থোনী’য়ে ৷ ছবিখনৰ মূল নায়ক মেগাষ্টাৰ অমিতাভ বচ্চনে ছবিখনৰ বৰ্ষপূৰ্তিত ছবিখনৰ সৈতে জড়িত স্মৰণীয় ফটো চ’ছিয়েল মিডিয়াত শ্বেয়াৰ কৰি নিজৰ অনুভৱ ব্যক্ত কৰে ৷
বিগ বিয়ে টুইটাৰত ছবিখনৰ অন্য তাৰকাৰ সৈতে তোলা এখন ফটো শ্বেয়াৰ কৰি কয় যে, সেই সময়তে তেওঁলোকৰ ‘অমৰ আকবৰ এন্থোনী’ ছবিখনে 7.25 কোটি টকা উপাৰ্জন কৰিবলৈ সক্ষম হৈছিল, যিটোৱে আজিৰ তাৰিখত বাহুবলী-2 ছবিখনৰ উপাৰ্জনকো চেৰ পেলাইছে ৷