চিটাৰা ডেস্ক, ২৯ ডিচেম্বৰ: ছবি নিৰ্মাতা সুৰজ বৰ্জাত্যৰ আগন্তুক ছবিত অভিনয় কৰিব অমিতাভ বচ্চনে । বৰ্তমান জনপ্ৰিয় কুইজ শ্ব' কৌন বনেগা ক্ৰৌড়পতিৰ ১২ সংখ্যক সংস্কৰণৰ দৃশ্যগ্ৰহণত ব্যস্ত হৈ আছে বিগ বি । ২০২১ চনৰ আৰম্ভণিতে সুৰজ বৰ্জাত্যৰ আগন্তুক ছবিৰ দৃশ্যগ্ৰহণ আৰম্ভ কৰিব অমিতাভ বচ্চনে ।
অজয় দেৱগণ নিৰ্দেশিত "মে' দে" তো অভিনয় কৰিব বিগ বিয়ে । সুৰজ বৰ্জাত্যৰ আগন্তুক ছবিত অমিতাভ বচ্চনৰ চৰিত্ৰৰ বিষয়ে এতিয়ালৈকে অধিক জানিব পৰা হোৱা নাই যদিও এক সূত্ৰই প্ৰকাশ কৰা তথ্য মতে, এগৰাকী পিতৃৰ চৰিত্ৰ ৰূপায়ণ কৰিব বিগ বিয়ে । সুৰজ বৰ্জাত্যই ২০২২ চনত কাম আৰম্ভ হ'বলগীয়া তেওঁৰ এখন ৰোমাণ্টিক ছবিৰ বাবে ছলমান খানক চুক্তিবদ্ধ কৰাইছে ।