অসমীয়া ছবিজগতৰ নতুন সংযোজন 'কানীন'

বিশিষ্ঠ উপন্যাসিক ৰীতা চৌধুৰীৰ এক গল্পৰ আধাৰত নিৰ্মিত ছবিখন শুকুৰবাৰে মুক্তি লাভ কৰিলে অসমৰ মুঠ সোতৰটা ছবিগৃহত

গুৱাহাটী, 22 মাৰ্চঃ অসমীয়া ছবিজগতত নৱতম সংযোজন 'কানীন' নাম চলচ্চিত্ৰৰ৷ বিশিষ্ঠ উপন্যাসিক ৰীতা চৌধুৰীৰ এক গল্পৰ আধাৰত নিৰ্মিত ছবিখন শুকুৰবাৰে মুক্তি লাভ কৰিলে অসমৰ মুঠ সোতৰাটা ছবিগৃহত৷ জেবি প্ৰডাকচন বেনাৰত নিৰ্মাণ হোৱা ছবিখন নাৰীৰ মনস্পৰ্শী এক বিষয়ক লৈ প্ৰস্তুত কৰা হৈছে৷ ঘনশ্যাম কলিতা আৰু ৰৌণাতো হুছেইনে পৰিচালনা কৰা ছবিখন সময় 2 ঘণ্টা 15 মিনিট৷ ছবিখনত অভিনয় কৰিছে ডাঃ জাহানাৰা বেগম, পূৰ্ণিমা শইকীয়া পাঠক, মিণ্টু বাহাৰুল ইছলাম, পাৰ্থ হাজৰিকাকে ধৰি বহুকেইজন ন-পুৰণি অভিনেতা-অভিনেত্ৰীয়ে৷ আনহাতে, ছবিখনত ছাউণ্ড ডিজাইন অমৃত প্ৰীতমৰ,ৰেকৰ্ড মিক্সিং দেৱজিৎ চাংমাৰ আৰু সংগীত পৰিচালনা কৰিছে তৰালি শৰ্মাই । এক ব্যতিক্ৰমী চিন্তাধাৰাৰে নিৰ্মাণ কৰা এই ছবিখনে অসমীয়া ছবিজগতলৈ এক অন্য ধাৰা আনিব বুলি আশাবাদী ছবিখনৰ কলা-কুশলী৷