চিটাৰা ডেস্ক,24 নৱেম্বৰঃ ভাৰতীয়-কানাডিয়ান ছবি নিৰ্মাতা ৰিছি মেহতাৰ দ্বাৰা নিৰ্মাত নেটফ্লিক্স ক্ৰাইম ড্ৰামা চিৰিজ ‘দিল্লী ক্ৰাইমে’ 48 সংখ্যক ইন্টাৰনেশ্যনেল এমী এৱাৰ্ডত শ্ৰেষ্ঠ ড্ৰামা চিৰিজৰ সন্মান লাভ কৰিবলৈ সক্ষম হৈছে ৷ ছবিখনৰ অভিনেতা আদিল হুছেইনে টুইটাৰযোগে কয়, “Delhi Crime #DelhiCrime wins the Emmy @iemmys International Awards for Best Drama. Congratulations @RichieMehta unmatchable @ShefaliShah dearest @rajeshtailang and whole team Big Big Congratulations!”
ৰিছি মেহতাৰ দ্বাৰা নিৰ্মিত ড্ৰামা দিল্লী ক্ৰাইমত অভিনয় কৰিছে আদিল হুছেইন, শ্বেফালী শ্বাহ, ৰাছিকা দুগ্গল আৰু ৰাজেশ টাইলাঙে ৷ চিৰিজটোৰ প্ৰথম দুটা খণ্ড 2019 বৰ্ষৰ ‘চানডেন্স ছবি মহোৎসৱ’ত ‘Indie Episodic’ শিতানত প্ৰদৰ্শন কৰাৰ ব্যৱস্থা কৰা হয় ৷ উল্লেখ্য এই চিৰিজটো 2019 বৰ্ষৰ 22 মাৰ্চত নেটফ্লিক্সযোগে মুকলি কৰা হয় ৷