চিটাৰা ডেস্ক, 12 মাৰ্চ :ৰাধে শ্যামৰ সমান্তৰালকৈ চৰ্চা লাভ কৰিছে এখন ছবিয়ে ৷ জনপ্ৰিয় অভিনেতা অনুপম খেৰ অভিনীত ছবি দ্য কাশ্মীৰ ফাইল্ছে 11 মাৰ্চত মুক্তি লাভ কৰিলে ৷ মুক্তিৰ পূৰ্বেই বিশেষ চৰ্চা লাভ কৰা ছবিখনে মুক্তিৰ পিছত সৃষ্টি কৰিছে অভিলেখ (The Kashmir Files movie review) ৷
দ্য কাশ্মীৰ ফাইল্ছ ছবিখন নিৰ্দেশনা কৰিছে বিবেক ৰঞ্জন অগ্নিহোত্ৰীয়ে ৷ ছবিখনত নিৰ্মাতাই কাশ্মীৰী পণ্ডিত (Kashmiri pandit) সকলে পলাই যাব লগীয়া হোৱা কাহিনীক অতি সূক্ষ্মভাৱে উপস্থাপন কৰিছে ৷ দৰ্শকৰ মাজত ছবিখনকলৈ অন্য এক উৎসাহ দেখা পোৱা গৈছে ৷
মুক্তিৰ দিনা দ্য কাশ্মীৰ ফাইল্ছ চাই চিনেমা হলতে কান্দোনত ভাগি পৰিল বহু দৰ্শক ৷ তাৰেই ভিডিঅ’ এটা শ্বেয়াৰ কৰিলে অভিনেতা দৰ্শন কুমাৰে যিটো এতিয়া সামাজিক মাধ্যমত ভাইৰেল হৈ পৰিছে ৷