চিটাৰা ডেস্ক,16 আগষ্টঃ সঞ্জয় লীলা ভাঞ্চালীক সাক্ষাৎ কৰিবলৈ গৈছে আলিয়া ভাট আৰু ৰণবীৰ কাপুৰ ৷ দুয়ো একেলগে গৈছে ছবি নিৰ্মাতাগৰাকীৰ মুম্বাইস্থিত কাৰ্যালয়লৈ ৷ আহিবলগীয়া ছবি গংগুবাই কাঠিয়াবাড়ীত সঞ্জয় লীলা ভাঞ্চালীৰ সৈতে একেলগে কাম কৰিছে অভিনেত্ৰী আলিয়া ভাটে ৷ ৰণবীৰ কাপুৰেও Sawariyaছবিত একেলগে কাম কৰিছিল সঞ্জয় লীলা ভাঞ্চালীৰ সৈতে ৷
শেহতীয়াকৈ শনিবাৰে দুয়োগৰাকী তাৰকাই এনেদৰে ছবি নিৰ্মাতাগৰাকীৰ মুম্বাইৰ জুহুস্থিত কাৰ্যালয়লৈ যোৱাৰ দৃশ্য বন্দী হ'ল কেমেৰাত ৷
ছবি নিৰ্মাতাগৰাকীক সাক্ষাৎ কৰিবলৈ যোৱাৰ সময়ৰ ফটো, ভিডিঅ' ছ'চিয়েল মিডিয়াত প্ৰকাশ হোৱাৰ পিছতে বহুজনে বহুধৰণে মন্তব্য কৰিছে ৷ এই কথাৰো গুজৱ চলিছে সঞ্জয় লীলা ভাঞ্চালীৰ সৈতে আগন্তুক দিনত পুনৰ একেলগে কাম কৰিবলৈ সাজু হৈছে ৰণবীৰ কাপুৰ ৷