অ’টিটি প্লেটফ’ৰ্মৰ পাচত ছবিগৃহলৈ আহি আছে ‘পিএম নৰেন্দ্ৰ মোদী’

2019 বৰ্ষৰ 24 মে’ত অ’টিটি প্লেটফ’ৰ্মত মুক্তিলাভ কৰাৰ পাচত অহা 15 অক্টোবৰত ছবিগৃহত মুক্তিলাভ কৰিব অভিনেতা বিবেক অ’বেৰয় অভিনীত প্ৰধানমন্ত্ৰী নৰেন্দ্ৰ মোদীৰ বায়’পিক ‘পিএম নৰেন্দ্ৰ মোদী’ ৷ ছবি সমালোচক তৰণ আদৰ্শে টুইটাৰযোগে ছবিখনৰ পুনঃমুক্তি সম্পৰ্কে জানিবলৈ দিয়ে ৷

চিটাৰা ডেস্ক,10 অক্টোবৰ: অহা 15 অক্টোবৰত ছবিগৃহত মুক্তিলাভ কৰিব অভিনেতা বিবেক অ’বেৰয় অভিনীত প্ৰধানমন্ত্ৰী নৰেন্দ্ৰ মোদীৰ বায়’পিক ‘পিএম নৰেন্দ্ৰ মোদী’ ৷ কৰ’ণা মহামাৰীৰ পাচত পুনৰ ছবিগৃহ মুকলি হোৱাৰ পাচত ছবি নিৰ্মাতাই এই সিদ্ধান্ত গ্ৰহণ কৰিছে ৷

2019 বৰ্ষৰ 24 মে’ত এই ছবিখন অ’টিটি প্লেটফ’ৰ্মত মুক্তিলাভ কৰিছিল ৷ ছবি সমালোচক তৰণ আদৰ্শে টুইটাৰযোগে ছবিখনৰ পুনঃমুক্তি সন্দৰ্ভত মন্তব্য আগবঢ়ায় ৷

ছবিখনত বিবেকৰ উপৰিও অভিনয় কৰিছে বোমন ইৰাণী,মনোজ যোশী,প্ৰশান্ত নাৰায়ণ,বৰ্ষা বিষ্ট,ৰাজেন্দ্ৰ গুপ্তা আৰু জেৰিনা ৱাহবে ৷ ছবি পৰিচালক সন্দীপ সিং,আনন্দ পণ্ডিত আৰু সুৰেশ অ’বেৰয়ৰ পৰিচালনাত নিৰ্মাণ হোৱা ছবিখনত প্ৰধানমন্ত্ৰী মোদীৰ ৰাজনৈতিক জীৱন যাত্ৰা দৃশ্যাংকণ কৰা হৈছে ৷

লগতে পঢ়ক:এইবাৰ পায়েল ঘোষৰ বিৰুদ্ধে মানহানি গোচৰ ৰিচা চাড্ডাৰ