"ৰ'জি : দ্য চেফ্ৰণ চেপ্টাৰ" ৰ দৃশ্যগ্ৰহণ আৰম্ভ কৰিছে বিবেক অ'বেৰয়ে

আজিৰে পৰা আৰম্ভ হ'ল বিবেক অ'বেৰয়ৰ ছবি "ৰ'জি : দ্য চেফ্ৰণ চেপ্টাৰ"ৰ দৃশ্যগ্ৰহণ । ছবিখন নিৰ্মাণ কৰাৰ উপৰিও তেওঁ অভিনয়ো কৰিছে । ৰূপালী পৰ্দাৰ অভিনেত্ৰী স্বেতা তিৱাৰীৰ কন্যা পলক তিৱাৰীক মুখ্য ভূমিকাত দেখা পোৱা যাব "ৰ'জিঃ দ্য চেফ্ৰণ চেপ্টাৰ"ত ।

চিটাৰা ডেস্ক, ২১ ডিচেম্বৰ: বিবেক অ'বেৰয়ে নিৰ্মাণ আৰু অভিনয় কৰা "ৰ'জি : দ্য চেফ্ৰণ চেপ্টাৰ" ছবিখনৰ দৃশ্যগ্ৰহণ আজিৰে পৰা পুণেত আৰম্ভ হৈছে । ছবিখনত মুখ্য চৰিত্ৰ ৰূপায়ণ কৰিব ৰূপালী পৰ্দাৰ অভিনেত্ৰী স্বেতা তিৱাৰীৰ কন্যা পলক তিৱাৰীয়ে । বিশাল মিশ্ৰই নিৰ্দেশনা কৰা ভৌতিক থ্ৰিলাৰ ছবি "ৰ'জি : দ্য চেফ্ৰণ চেপ্টাৰ" গুৰুগ্ৰামৰ এটা সঁচা ঘটনাৰ আধাৰত নিৰ্মাণ কৰা হৈছে ।

ইয়াত ৰজিৰ চৰিত্ৰক মুখ্য চৰিত্ৰ হিচাপে দাঙি ধৰা হৈছে, যি চেফ্ৰণ বি পিঅ'ৰ এগৰাকী কৰ্মচাৰী । চেফ্ৰণ বি পিঅ'ত অশৰীৰী আত্মাই বাস কৰে বুলি ছবিখনত দেখুওৱা হৈছে । আজি পুণেত দৃশ্যগ্ৰহণৰ প্ৰথম দিনটোত বিবেকক সহ-নিৰ্মাতা প্ৰেৰণা আৰোৰা সৈতে দৃশ্যগ্ৰহণস্থলীত কলা-কুশলীসকলৰ উপস্থিতিত পূজা কৰি থকা দেখা গৈছে ।

বলীউডত প্ৰথমবাৰৰ বাবে খোজ পেলাবলৈ সুযোগ পাই উৎফুল্লিত হৈ পৰা পলকে পূৰ্বে কৈছিল যে, "ৰ'জিঃ দ্য চেফ্ৰণ চেপ্টাৰ" সম্পূৰ্ণৰূপে ভৌতিক ছবি নহয় । ইয়াত ৰোমান্স, থ্ৰিল আদি সকলোৰে আমেজ ল'ব পাৰিব দৰ্শকে । লগতে তেওঁ ছবিখনত অভিনয় কৰিবলৈ পাই যথেষ্ট সুখী বুলিও মন্তব্য কৰে । উল্লেখ্য যে, বিবেকক 'আই টি আইঃ কেন ইউ চলভ ইয়ৰ অওন মাৰ্ডাৰ ?'তো গুৰুত্বপূৰ্ণ ভূমিকাত দেখা পোৱা যাব ।

লগতে পঢ়ক:শ্বাহজাহানৰ বেশত তাজমহলৰ সন্মুখত কি কৰিছে অক্ষয়ে ?