32 বছৰ বয়সত ভৰি দিলে অভিনেত্ৰী বাণী কাপুৰে

উল্লেখ্য যে, বাণী কাপুৰ বৰ্তমান দুখনকৈ ছবিৰ সৈতে ব্যস্ত হৈ আছে ৷ অভিনেত্ৰীগৰাকীক Bell Bottom ছবিখনত অক্ষয় কুমাৰৰ সৈতে ৰূপালী পৰ্দাত দেখা পোৱা যাব ৷ ইফালে পৰিচালক অভিষেক কাপুৰৰ ছবিত আয়ুস্মান খোৰানাৰ সৈতে দেখা পোৱা যাব অভিনেত্ৰীগৰাকীক ৷

এন্টাৰটেইনমেন্ট ডেস্ক, 23 আগষ্টঃ দেওবাৰে 32 বছৰ বয়সত ভৰি দিলে মোহময়ী অভিনেত্ৰী বাণী কাপুৰে ৷ কিন্তু পিতৃ-মাতৃ আৰু ভগ্নীৰ অবিহনে তেওঁৰ জন্মদিনটো অসম্পূৰ্ণ বুলি মন্তব্য কৰে অভিনেত্ৰীগৰাকীয়ে ৷

তেওঁ কয় যে, "মোৰ মা-দেউতা আৰু ভগ্নীৰ অবিহনে এই বিশেষ দিনটো সদায় অসম্পূৰ্ণ ৷ তেওঁলোক মোৰ শক্তিৰ উৎস আৰু মোৰ জীৱনৰ প্ৰতিটো গুৰুত্বপূৰ্ণ বস্তুৰ তেওঁলোক একোটা অংশ ৷ মই তেওঁলোকৰ অনুপস্থিতি বহুত অনুভৱ কৰিছো ৷ কিন্তু মই সুখী যে তেওঁলোক নিৰাপদে সু-স্বাস্থ্যৰে ঘৰতে আছে ৷ আশা কৰো আগন্তুক বছৰটোৱে কিছু সলনি আনিব ৷"

লগতে পঢ়কঃপাকিস্তানৰ পতাকাৰ আৰ্হিত নিৰ্মিত চিলাসহ এজনক আটক

অভিনেত্ৰীগৰাকীয়ে জন্মদিনৰ দিনা পৰিয়ালৰ সৈতে ভিডিঅ' কলিঙৰ জৰিয়তে কথা পাতে ৷ লগতে তেওঁ পিতৃ-মাতৃকলৈ বহু কৃতজ্ঞ বুলিও মন্তব্য কৰে ৷ আনহাতে, অভিনেত্ৰীগৰাকীয়ে বন্ধু-বান্ধৱীৰ সৈতে জুম কলত যোগাযোগ হ'ব বুলিও জনায় লগতে জুম কলৰ জৰিয়তে বন্ধুবৰ্গৰ সৈতে কেক কটা হ'ব বুলি অৱগত কৰে ৷

উল্লেখ্য যে, বাণী কাপুৰ বৰ্তমান দুখনকৈ ছবিৰ সৈতে ব্যস্ত হৈ আছে ৷ অভিনেত্ৰীগৰাকীক Bell Bottom ছবিখনত অক্ষয় কুমাৰৰ সৈতে ৰূপালী পৰ্দাত দেখা পোৱা যাব ৷ ইফালে পৰিচালক অভিষেক কাপুৰৰ ছবিত আয়ুষমান খোৰানাৰ সৈতে দেখা পোৱা যাব অভিনেত্ৰীগৰাকীক ৷

লগতে পঢ়কঃবাজেট ব্যয় সন্দৰ্ভত দেৱব্ৰত শইকীয়াৰ মন্তব্যক অপপ্ৰচাৰ আখ্যা ৰাজ্যিক বিজেপিৰ

শেহতীয়া পৰিস্থিতিৰ প্ৰতি লক্ষ্য ৰাখি এই সময়ছোৱাত মই যিমান পাৰো নিৰাপদে থকাৰ চেষ্টা কৰিছো ৷ মই বন্ধুবৰ্গৰ সৈতে জন্মদিন উপলক্ষে কিছু পৰিকল্পনা কৰিছিলো যদিও বৰ্তমানৰ পৰিস্থিতিৰ প্ৰতি লক্ষ্য ৰাখি মই সকলো পৰিকল্পনা বাতিল কৰিছো ৷ যিহেতু মোৰ আগন্তুক ছবিদুখনৰ শ্বুটিঙো ছেপ্টেম্বৰ আৰু অক্টোবৰৰ ভিতৰত সম্পূৰ্ণ কৰিম সেয়ে বৰ্তমান সময়ছোৱাত নিজক নিৰাপদে ৰখাৰ চেষ্টা কৰা বুলিও জানিবলৈ দিয়ে অভিনেত্ৰাগৰাকীয়ে ৷

বাণীক শেহতীয়াকৈ মুক্তি পাবলগীয়া ছবি Shamshera ত ৰণবীৰ কাপুৰৰ সৈতে দেখা পোৱা যাব ৷