দেশবাসীক ধন্যবাদ জনালে অভিনেত্ৰী উৰ্মিলাই

অভিনেত্ৰী উৰ্মিলা মাতোণ্ডকাৰে শুকুৰবাৰে ভাৰতৰ জনগণক ধন্যবাদ জনায় ৷ কংগনা ৰাণাৱটৰ "soft porn star" কমেন্টৰ পাচতে দেশবাসীয়ে উৰ্মিলাক সমৰ্থন আগবঢ়োৱা বাবে সকলোকে ধন্যবাদ জনাই তেওঁ ৷

ছিটাৰা, 18 ছেপ্তেম্বৰ :অভিনেত্ৰী উৰ্মিলা মাতোণ্ডকাৰে শুকুৰবাৰে ভাৰতৰ জনগণক ধন্যবাদ জনায় ৷ কংগনা ৰাণাৱটৰ "soft porn star" কমেন্টৰ পাচতে দেশবাসীয়ে উৰ্মিলাক সমৰ্থন আগবঢ়োৱা বাবে সকলোকে ধন্যবাদ জনাই তেওঁ ৷

টুইটাৰৰ জৰিয়তে উৰ্মিলাই কয়, "দেশৰ প্ৰকৃত জনগন আৰু নিৰপেক্ষ তথা গৰিমাপূৰ্ণ সংবাদ মাধ্যমক মই ধন্যবাদ জনাইছো ৷ মিছা IT ট্ৰল আৰু প্ৰচাৰমুখীতাৰ বিৰুদ্ধে এয়া জয় ৷ সকলোৰে সমৰ্থনে মোক চুই গৈছে... humbled #JaiHind ৷"

উল্লেখ্য যে, উৰ্মিলা মাতোণ্ডকাৰ সম্পৰ্কত মন্তব্যৰ পাচতে বলীউদ জগতৰ পৰা সমালোচনাৰ সন্মুখীন হৈছিল কংগনা ৰাণাৱট ৷ কংগনাক ৰাম গোপাল বৰ্মা, অনুভৱ সিনহা, স্বৰা ভাস্কৰৰ লগতে বহু তাৰকাই সমালোচনা আগবঢ়াইছিল ৷ প্ৰায় 25 বছৰযোৰা উৰ্মিলাৰ বলীউদ কেৰিয়াৰক সকলোৱে প্ৰশংসাও আগবঢ়াইছিল ৷

পূজা ভাট, ছায়ানী গুপ্তা, কনিকা ধিল্লোনৰ দৰে ব্যক্তিয়েও উৰ্মিলাৰ সৈতে থিয় দিছিল ৷ উৰ্মিলাৰ টুইটত কমেন্ট কৰি দেশবাসীয়ে তেওঁলৈ মৰম আৰু সমৰ্থন প্ৰেৰণ কৰে ৷

এগৰাকী টুইটাৰ ব্যৱহাৰকাৰীয়ে লিখে, "আপোনাৰ চিনেমা চাই ডাঙৰ হ'লো ৷ সৰুকালৰ ৰংগীলা চিনেমাখন এতিয়াও স্মৃতি হৈ আছে ৷ মিছা সংবাদ মাধ্যমৰ দ্বাৰা বিয়পা বাতৰিক আওকাণ কৰক কিয়নো বেয়াৰ বিৰুদ্ধে ভালৰ জয় হয় ৷ চিনেমা জগতত আপোনাৰ আগন্তুক কামক লৈ বহু শুভেচ্ছা থাকিল ৷ লগতে '90 শতিকাত আমাৰ মনোৰঞ্জন প্ৰদান কৰা বাবে বহু ধন্যবাদ জনালো ৷"

আন এজন ব্যৱহাৰকাৰীয়ে লিখে, "আমি আপোনাক লৈ গৌৰৱান্বিত...আমাৰ দেশক মহান হিচাপে গঢ় দিবলৈ আপোনাৰ দৰে লোকৰ প্ৰয়োজন ৷"

লগতে পঢ়ক :চিত্ৰশিল্পী নীলিম মহন্তৰ হাতৰ পৰশত প্ৰাণ পালে সুধাকণ্ঠই