চিটাৰা ডেস্ক, 19 মাৰ্চ :মুক্তিৰ পিছতেই দৰ্শকৰ মাজত তুমুল চৰ্চা লাভ কৰা ছবি দ্য কাশ্মীৰ ফাইল্ছে দেশজুৰি খলকনি তুলিবলৈ সক্ষম হৈছে ৷ 11 মাৰ্চত মুক্তি লাভ কৰা ছবিখনে দিনকদিনে লাভ কৰিছে প্ৰচাৰ আৰু প্ৰসাৰ (The Kashmir Files box office update) ৷ ছবিখন উপভোগ কৰা দৰ্শকসকলেও ছবিখনৰ সন্দৰ্ভত আলোচনাত সৰৱ হৈ পৰিছে ৷
বিবেক অগ্নিহোত্ৰীয়ে পৰিচালনা কৰা দ্য কাশ্মীৰ ফাইল্ছ নামৰ ছবিখনে ইতিমধ্যে বক্স অফিচত ধুমুহা সৃষ্টি কৰিছে (The Kashmir Files review) ৷ ব্যৱসায়িক দিশৰ পৰা চাবলৈ গ’লে অক্ষয় কুমাৰৰ বহু প্ৰতীক্ষিত ছবি বচ্চন পাণ্ডেৰ মুক্তিৰ পিছতো প্ৰতিদ্বন্দ্বীবিহীন হিচাপেই প্ৰচাৰিত হৈ থাকিব দ্য কাশ্মীৰ ফাইল্ছ ৷
মুক্তিলাভৰ অষ্টম দিনা বাহুবলীৰে সৈতে ফেৰ মাৰি এক নতুন অভিলেখ গঢ়িলে দ্য কাশ্মীৰ ফাইল্ছে ৷ এই সন্দৰ্ভত বাণিজ্যিক বিশেষজ্ঞ (Trade Expert) তৰণ আদৰ্শে শ্বেয়াৰ কৰিছে বক্স অফিচত দ্য কাশ্মীৰ ফাইল্ছৰ শেহতীয়া খবৰ (The Kashmir Files latest updates) ৷ নিজৰ টুইটাৰ একাউণ্টত তেওঁ এই তথ্যসমূহ শ্বেয়াৰ কৰিছে ৷
জনসাধাৰণৰ পৰা এনে অভূতপূৰ্ব সঁহাৰি লাভ কৰাৰ পাছত নিৰ্মাতাই ছবিখন তামিল, তেলেগু, কানাড়া আৰু মালায়ালম ভাষাত ডাবিং কৰিছে ৷ কাশ্মীৰী পণ্ডিতসকলৰ ওপৰত উগ্ৰপন্থীৰ আক্ৰমণ আৰু গণহত্যাক মুখ্য বিষয় হিচাপে লৈ নিৰ্মাণ কৰা ছবিখনত অভিনয় কৰিছে বলীউডৰ অভিনেতা অনুপম খেৰ, মিথুন চক্ৰৱৰ্তীকে আদি কৰি কেইবাজনো তাৰকাই ৷ উপাৰ্জনৰ দিশত ছবিখনে মুক্তিৰ প্ৰথম সপ্তাহতে 100 কোটিৰ ঘৰ স্পৰ্শ কৰিবলৈ সক্ষম হৈছিল ৷
লগতে পঢ়ক:কেঞ্চাৰৰ সৈতে যুঁজি যুঁজি শৰ্মাজী নমকিনৰ শ্বুটিং কৰিছিল ঋষি কাপুৰে
