দি গাৰ্ল অন দ্যা ট্ৰেইন : আকৰ্ষণীয় হত্যাকাৰীৰ ৰূপত পৰিণীতি চোপ্ৰা

পৰিণীতি চোপ্ৰাৰ আগন্তুক থ্ৰীলাৰ ছবি ‘দি গাৰ্ল অন দা ট্ৰেইন’ৰ মুকলি হৈছে ট্ৰেইলাৰ ৷ পৰিচালক ৰিভু দাসগুপ্তাৰ দ্বাৰা পৰিচালিত এই ছবিখন অহা 26 ফেব্ৰুৱাৰীত নেটফ্লিক্সত মুক্তিলাভ কৰিব ৷

চিটাৰা ডেস্ক,3 ফেব্ৰুৱাৰী : এটি আকৰ্ষণীয় ট্ৰেইলাৰ মুকলি হোৱাৰ পাচত এইবাৰ এক ৰহস্যময় ট্ৰেইলাৰ মুকলি হৈছে অভিনেত্ৰী পৰিণীতা চোপ্ৰা অভিনীত বহু প্ৰত্যাশিত ছবি ‘দি গাৰ্ল অন দা ট্ৰেইন’ৰ ৷ এক পৰিকল্পিত হত্যাকাণ্ডৰ কাহিনীৰ আধাৰত নিৰ্মিত এই ছবিখনত পৰিণীতাক দেখিবলৈ পোৱা যাব এক শক্তিশালী চৰিত্ৰত ৷

বুধবাৰে ছবিখনৰ ট্ৰেইলাৰ মুকলি কৰি 26 ফেব্ৰুৱাৰীত ছবিখন মুক্তি পোৱাৰ কথা ঘোষণা কৰে নেটফ্লিক্সে ৷ ছবিখনত পৰিণীতিৰ ‘মীৰা’ নামৰ চৰিত্ৰটো এগৰাকী বিবাহ বিচ্ছেদ মহিলা, যিয়ে এক হত্যাৰ ৰহস্যৰ আৱৰ্তত সোমাই পৰে ৷

ৰিভু দাসগুপ্তাই পৰিচালনা কৰা এই ছবিখন 2016 চনৰ থ্ৰীলাৰ ‘দি গাৰ্ল অন দ্যা ট্ৰেইন’ৰ আনুষ্ঠানিক ৰিমেক, য’ত অভিনেত্ৰী হলিউড এমি ভোণ্টে মুখ্য চৰিত্ৰত অভিনয় কৰিছিল । এই ছবিখন 2015 চনৰ একেই নামৰ সৰ্বাধিকভাৱে বিক্ৰী হোৱা উপন্যাসখনৰ কাহিনীৰ আধাৰত নিৰ্মিত ।

উল্লেখ্য যে, ব্ৰিটেইনত দৃশ্যগ্ৰহণ সম্পন্ন কৰা এই ছবিখনত পৰিণীতিৰ লগতে অদিতি ৰাও হাইদৰী, কীৰ্তি কুলহাৰী আৰু অবিনাশ তিৱাৰীয়েও অভিনয় কৰিছে ।

লগতে পঢ়ক :ক্লাৱ নম্বৰত এলি আৱৰামৰ সৈতে আমিৰ খান : ভিডিঅ’ ভাইৰেল