চিটাৰা ডেস্ক,3 ফেব্ৰুৱাৰীঃশুকুৰবাৰে মুক্তি পালে তাপসী পান্নুৰ আগন্তুক ছবিথাপ্পৰৰ ট্ৰেইলাৰ ৷ অতি কম সময়ৰ ভিতৰতে 10 মিলিয়ন ভিউজ অতিক্ৰম কৰিছে ঘৰুৱা হিংসাৰ ওপৰত নিৰ্মিত ছবি থাপ্পৰৰ ট্ৰেইলাৰে ৷ নিজৰ ইনষ্টাগ্ৰাম একাউন্ট যোগে এই কথা জানিবলৈ দিয়ে অভিনেত্ৰীগৰাকীয়ে ৷ এই ছবিখনৰ জৰিয়তে এই বাৰ্তা দিবলৈ চেষ্টা কৰা হৈছে যে, চৰ বা থাপৰ মৰাটো কেতিয়াও সৰু কথা নহয় ৷ ট্ৰেইলাৰটোৰ জৰিয়তে লগতে এইটো দেখুওৱা হৈছে যে কেনেকৈ এটা মাত্ৰ থাপৰে বিবাহিত দম্পতীৰ জীৱন সলনি কৰি দিব পাৰে ৷
তাপসী পান্নু অভিনীত ছবিখনৰ ট্ৰেইলাটোৱে তাপসীৰ অনুৰাগীসকলৰ মাজত যথেষ্ট উৎসুকতা বৃদ্ধি কৰিছে ৷ তাপসী পান্নুৰ এটা বিশেষ সংলাপে দৃষ্টি আকৰ্ষণ কৰিছে সকলোৰে ৷ তাপসীয়ে ছবিখনত এগৰাকী গৃহিণীৰ চৰিত্ৰ ৰূপায়ন কৰিছে ৷ ছবিখনৰ ট্ৰেইলাৰটোত তাপসীয়ে ঘৰুৱা হিংসাৰ বিৰোধিতা কৰি কয়," হয় ,মাত্ৰ এটা থাপ্পৰ ৷ কিন্তু নোৱাৰে মাৰিব৷"