প্ৰযোজক শ্বাবাছ মিঠুৰ আহিবলগীয়া ছবিত দেখা পাব তাপশী পান্নুক

সোমবাৰে তাপশী পান্নুৱে চ’ছিয়েল মিডিয়াযোগে এখন ফটো শ্বেয়াৰ কৰি ব্যক্ত কৰে যে, ইতিমধ্যে তেওঁ প্ৰযোজক শ্বাবাছ মিঠুৰ এখন ছবিৰ বাবে দৃশ্যগ্ৰহণৰ কাম আৰম্ভ কৰিছে ৷

চিটাৰা ডেস্ক,5 এপ্ৰিল : বলিউডৰ অন্যতম ব্যস্ত আগশাৰীৰ অভিনেত্ৰী তাপশী পান্নুক দেখিবলৈ পোৱা যাব প্ৰযোজক শ্বাবাছ মিঠুৰ আহিবলগীয়া নতুন ছবিত ৷ অনুৰাগ কাশ্যপৰ ‘দোবাৰা’ ছবিৰ দৃশ্যগ্ৰহণৰ কাম সম্পূৰ্ণ কৰাৰ পাচতেই পুনৰ শ্বাবাছ মিঠুৰ ছবিৰ বাবে দৃশ্যগ্ৰহণৰ কাম আৰম্ভ কৰিছে তাপশীয়ে ৷

ছবিখনত ভাৰতীয় মহিলা ক্ৰিকেট দলৰ কেপ্তেইন মিথালী দোৰাই ৰাজৰ ভূমিকা পালন কৰিব তাপশীয়ে ৷ সেই অনুসৰি, অনুশীলনস্থলীৰ পৰা এখন ফটো শ্বেয়াৰ কৰে অভিনেত্ৰী গৰাকীয়ে ৷ সোমবাৰে চ’ছিয়েল মিডিয়াযোগে ফটো শ্বেয়াৰ কৰি অভিনেত্ৰী গৰাকীয়ে কয় যে, "Let's go.... Day 1 ! #ShabaashMithu #WomenInBlue." ৷

ছবিখনৰ পৰিচালনাত আছে পৰিচালক ৰাহুল ধোলাকিয়া আৰু কাহিনীভাগ লিখিছে প্ৰিয়া এভেনে ৷ আনহাতে, ছবিখনৰ প্ৰযোজনাত আছে শ্বাবাছ মিঠু আৰু ছবিখন Viacom18 Studiosৰ বেনাৰত নিৰ্মাণ কৰা হ’ব বুলি জানিব পৰা গৈছে ৷

লগতে পঢ়ক :কৰ'ণাত আক্ৰান্ত বলীউড ছুপাৰষ্টাৰ গোবিন্দা