দিল বেচাৰাৰ অভিনেত্ৰীয়ে সুঁৱৰিলে সুশান্ত সিং ৰাজপুতক

সুশান্ত সিং ৰাজপুতৰ মৃত্যুৰ যথেষ্ট সময়েই পাৰ হ'ল যদিও প্ৰত্যেকদিনাই কোনোবাই নহয় কোনোবাই সুঁৱৰে অভিনেতাগৰাকীক ৷ সেয়া লাগিলে অনুৰাগীয়ে হওক বা তেওঁৰ সহকৰ্মীয়েই হওক ৷ শেহতীয়াকৈ দিল বেচাৰাৰ সহ অভিনেত্ৰী স্বস্তিকা মুখাৰ্জীয়ে শ্বেয়াৰ কৰিলে অভিনেতা সুশান্ত সিঙৰ এটা বিশেষ ভিডিঅ' ৷ ভিডিঅ'টোত স্বস্তিকাৰ সৈতে নৃত্য কৰা পৰিলক্ষিত হৈছে প্ৰয়াত অভিনেতাগৰাকীয়ে ৷

চিটাৰা ডেস্ক, 13 জুলাইঃবলীউডৰ প্ৰসিদ্ধ অভিনেতা সুশান্ত সিং ৰাজপুতৰ শেষৰখন ছবি দিল বেচাৰাৰ সহ অভিনেত্ৰী স্বস্তিকা মুখাৰ্জীয়ে ছ'চিয়েল মিডিয়া যোগে শ্বেয়াৰ কৰিছে অভিনেতা গৰাকীৰ এটা বিশেষ ভিডিঅ' ৷

এই ভিডিঅ'টোত স্বস্তিকা মুখাৰ্জীৰ সৈতে সুশান্ত সিং ৰাজপুতে নৃত্য কৰি থকা পৰিলক্ষিত হৈছে ৷ এই ভিডিঅ'টো সুশান্তৰ অনুৰাগীসকলে যথেষ্ট পচন্দ কৰিছে আৰু বহুজনে প'ষ্টটো কমেন্টেৰে উপচাই পেলাইছে ৷

অভিনেত্ৰী গৰাকীয়ে ভিডিঅ'টো শ্বেয়াৰৰ জৰিয়তে সুঁৱৰিছে প্ৰতিভাৱান অভিনেতাগৰাকীক ৷ ইয়াৰ লগতে স্বস্তিকা মুখাৰ্জীয়ে ছবিখনৰ পৰিচালক মুকেশ ছাৱৰাকো ধন্যবাদ জ্ঞাপন কৰে ভিডিঅ'টো কেপচাৰ কৰাৰ বাবে ৷

স্বস্তিকা মুখাৰ্জী উপৰিও ছবিখনৰ মুখ্য অভিনেত্ৰী সঞ্জনা সাংঘীয়ে সুশান্ত সিং ৰাজপুতৰ সৈতে তোলা এখন ফটো শ্বেয়াৰ কৰে ৷ ফটোখনৰ লগতে অভিনেত্ৰীগৰাকীয়ে লিখে,ছবিখনৰ এইটো অংশ তেওঁৰ যথেষ্ট প্ৰিয় ৷ এই দৃশ্যৰ শ্বুটিং কৰি তেওঁ যথেষ্ট আনন্দিত হৈছিল ৷ ফটোখন দেখিলেই অভিনেত্ৰীগৰাকীৰ ভাল অনুভৱ হয় বুলি ব্যক্ত কৰে ছ'চিয়েল মিডিয়া যোগে ৷

লগতে পঢ়কঃশাৰীৰিক অসুস্থতাক লৈ প্ৰচাৰ হোৱা ভুৱা বাতৰি সম্পৰ্কে প্ৰতিক্ৰিয়া হেমা মালিনীৰ