চিটাৰা ডেস্ক, 22 মাৰ্চ:সোমবাৰে মুম্বাইৰ এখন বিলাসী ৰেষ্টুৰেণ্টৰ পৰা ওলাই আহোঁতে প্ৰাক্তন যুঁটি সুস্মিতা সেন আৰু ৰোহমান শ্ব’লক একেলগে দেখা গৈছিল । দুয়ো নিশাৰ আহাৰ গ্ৰহণ কৰিবলৈ একেলগে গৈছিল (Sushmita Sen latest news) । সুস্মিতাৰ সৰু জীয়ৰী আলিছা সেনো তেওঁলোকৰ সৈতে আছিল ৷
সুস্মিতা আৰু ৰোহমানক দেখি পাপাৰাজ্জীয়ে দুয়োকে নিজৰ কেমেৰাত বন্দী কৰিলে (Sushmita Sen latest updates) ৷ অনুৰাগীসকলেও আগুৰি ধৰিছিল মোহময়ী অভিনেত্ৰী গৰাকীক ৷ সকলোৰে দৃষ্টি আকৰ্ষণ কৰিছিল সুস্মিতা আৰু ৰোহমানে । দুয়োকে ডেনিম চাৰ্ট আৰু ক'লা পেণ্টত টুইণিং কৰা দেখা গৈছিল ।
সুস্মিতাই সামাজিক মাধ্যমৰ জৰিয়তে ৰোহমানৰ সৈতে প্ৰেমৰ সম্পৰ্ক শেষ হোৱাৰ কথা ঘোষণা কৰোঁতেই মুকলিকৈ প্ৰকাশ কৰিছিল যদিওবা তেওঁলোকৰ মাজত প্ৰেমৰ সম্পৰ্ক শেষ হৈছে, কিন্তু তেওঁলোক দুয়ো সদায় ভাল বন্ধু হৈ থাকিব । নিজৰ কথা আখৰে আখৰে পালন কৰা সুস্মিতাক 21 মাৰ্চৰ নিশা প্ৰাক্তন প্ৰেমিকৰ সৈতে এখন বিলাসী ৰেষ্টুৰেণ্টৰ পৰা ওলাই অহা প্ৰত্যক্ষ কৰিলে পাপাৰাজ্জীয়ে (Sushmita sen relationship status)।