ৰিয়া চক্ৰৱৰ্তীয়ে শ্বেয়াৰ কৰিলে সুশান্তৰ সৈতে উঠা পুৰণা ফটো

সুশান্ত সিং ৰাজপুতৰ মৃত্যুৰ এটা মাহ পূৰ্ণ হোৱাৰ ক্ষণত তেওঁৰ ঘনিষ্ঠ বান্ধৱী ৰিয়া চক্ৰৱৰ্তীয়ে শ্বেয়াৰ কৰিলে সুশান্তৰ সৈতে উঠা কেইখনমান পুৰণা ফটো ৷ ফটোকেইখনৰ লগত এটা আৱেগিক নোটো লিখে অভিনেত্ৰীগৰাকীয়ে ৷

চিটাৰা ডেস্ক,14 জুলাইঃ বলীউডৰ জনপ্ৰিয় অভিনেতা সুশান্ত সিং ৰাজপুতে এই সংসাৰ এৰি যোৱা এটা মাহ পূৰ্ণ হ'ল ৷ অনুৰাগী তথা তেওঁৰ বন্ধু সকলে যথেষ্ট মিচ্​ কৰে অভিনেতাগৰাকীক ৷

ইয়াৰ মাজতে সুশান্ত সিং ৰাজপুতৰ মৃত্যুৰ এটা মাহ পূৰ্ণ হোৱাৰ ক্ষণত তেওঁৰ ঘনিষ্ঠ বান্ধৱী অভিনেত্ৰী ৰিয়া চক্ৰৱৰ্তীয়ে তেওঁৰ সৈতে উঠা পুৰণি ফটো শ্বেয়াৰ কৰে ৷ ফটোকেইখনৰ লগতে তেওঁ এটা আৱেগিক নোটো লিখে ইনষ্টাগ্ৰামযোগে ৷

তেওঁ লিখে," বৰ্তমানলৈকে মই নিজৰ ভাৱনাবোৰৰ সৈতে মুখামুখি হ'বলৈ ভয় খাইছো ৷ মোৰ বুকুৰ মাজত এটা শূণ্যতা আহি গৈছে ৷ এজন তুমিয়েই আছিলা যাৰ বাবে মই ভালপোৱা আৰু ভালপোৱাৰ শক্তিবোৰ অনুভৱ কৰিছিলো ৷ তুমিয়েই মোক কৈছিলা যে কেনেকৈ অংকৰ সমীকৰণৰ জৰিয়তে জীৱনৰ অৰ্থ বুজিব পৰা যায় ৷ মই তোমাৰ পৰা প্ৰত্যেক দিনাই শিকিছো ৷ মই এই কথা কেতিয়াও মানি ল'ব নোৱাৰিম যে তুমি এতিয়া ইয়াত নাই ৷ "

সুশান্ত সিং ৰাজপুতৰ সৈতে ৰিয়া চক্ৰৱৰ্তী

ইয়াৰোপৰি ৰিয়াই লিখে," মই জানো যে, এতিয়া তুমি যথেষ্ট শান্তিৰ ঠাইত আছা ৷ চন্দ্ৰ,তৰা, আকাশমাৰ্গে সকলোতকৈ মহান বৈজ্ঞানিক গৰাকীক মুক্ত হস্তে স্বাগত জনাইছে চাগে ৷ এতিয়া তুমিও সেই উজ্বলি থকা তৰাৰ মাজত এটা তৰা হ'লা ৷ মোৰ উল্কাপিণ্ড মই তোমাৰ অপেক্ষা কৰিম আৰু প্ৰাৰ্থনা কৰিম তুমি আকৌ মোৰ ওচৰলৈ ঘূৰি আহা ৷"

ৰিয়া চক্ৰৱৰ্তীৰ হোৱাটছ এপৰ প্ৰফাইল ফটো

লগতে নিজৰ হোৱাটছ এপৰ প্ৰফাইল ফটোখনো সুশান্তৰ সৈতে তোলা এখন ফটো ৰাখে অভিনেত্ৰী গৰাকীয়ে ৷

ৰিয়াৰ উপৰিও সুশান্তৰ মৃত্যুৰ এমাহ পূৰ্ণ হোৱাৰ দিনটোত সুশান্তক সুঁৱৰিলে অভিনেতাগৰাকীৰ অসংখ্য অনুৰাগীয়ে ৷ কেৱল অনুৰাগীয়েই নহয় সুশান্তক সুঁৱৰিলে অভিনেতাগৰাকীৰ প্ৰাক্তন প্ৰেমিকা অংকিতা লোখণ্ডেৰ লগতে ছবি পৰিচালক মুকেশ ছাৱৰাই ৷

লগতে পঢ়কঃসুশান্তৰ মৃত্যুৰ এটা মাহ সম্পূৰ্ণ,চাকি জ্বলালে অংকিতাই