নেপ'টিজম সন্দৰ্ভত মুখ খুলিলে ৰূপা গাংগুলীয়ে

সুশান্ত সিং ৰাজপুতৰ আত্মহত্যাৰ পিছতে খুবেই চৰ্চিত হৈছে বলীউডৰ নেপ'টিজম ধাৰণাটো ৷ এইবাৰ এই সন্দৰ্ভত নিজৰ মতামত দাঙি ধৰিছে অভিনেত্ৰী ৰূপা গাংগুলীয়ে ৷ নেপ'টিজম সন্দৰ্ভত ৰূপা গাংগুলীয়ে ক'লে যে, " এতিয়াৰ পৰা মই কিছুমান মানুহৰ চিনেমা নাচাওঁ৷ "

চিটাৰা ডেস্ক,5 জুলাইঃ অভিনেত্ৰী তথা বিজেপি সাংসদ ৰূপা গাংগুলীয়ে জনাই যে, তেওঁ এতিয়াৰ পৰা বহু বলীউড তাৰকাৰ ছবি চোৱাৰ পৰা বিৰত থাকিব ৷ যিসকলে বলীউডত নেপ'টিজম চলাই আছে তেওঁলোকৰ ছবি নাচাওঁ বুলি স্পষ্টকৈ কৈছে ৰূপা গাংগুলীয়ে ৷

শেহতীয়াকৈ ৰূপা গাংগুলীয়ে আই.এ.এন.এচক জনাই যে, " এতিয়াৰ পৰা মই এনেকুৱা মানুহৰ চিনেমা নাচাওঁ ,যি সকলে দেশবাসীক বাৰ্তা দিছে যে সৰু চহৰৰ পৰা অহা ল'ৰা-ছোৱালীবোৰ ছবি উদ্যোগলৈ আহিব নালাগে ৷ নেপ'টিজম সকলো ঠাইতে আছে ৷ অভিভাৱকে নিজৰ ল'ৰা-ছোৱালীক সহায় কৰিব লাগে কিন্তু ইমানো নেপ'টিজম হ'ব নালাগে যে ইয়াৰ জৰিয়তে কিছুমান মানুহক মৃত্যু মুখলৈ ঠেলি দিয়া হয় ৷"

উল্লেখ্য যে, অভিনেত্ৰী তথা সাংসদ গৰাকীয়ে বিগত বহু দিনৰ পৰাই সুশান্ত সিং ৰাজপুতৰ মৃত্যুৰ ন্যায় বিচাৰি চি.বি.আই তদন্তৰ বাবে দাবী কৰি আহিছে ৷

লগতে পঢ়কঃমাৰ্ডাৰ ছবিৰ বিবাদ সন্দৰ্ভত ৰাম গোপাল বৰ্মাৰ বিৰুদ্ধে গোচৰ