কেন্দ্ৰৰ ঘোষণা : সুশান্তৰ মৃত্যু সন্দৰ্ভত হ'ব চি.বি.আই তদন্ত

বিহাৰ চৰকাৰৰ আবেদন স্বীকাৰ কৰিলে কেন্দ্ৰই ৷ অভিনেতা সুশান্ত সিং ৰাজপুতৰ মৃত্যু সন্দৰ্ভত চি.বি.আই তদন্তৰ বাবে মান্তি হৈছে কেন্দ্ৰীয় চৰকাৰ ৷

চিটাৰা ডেস্ক,5 আগষ্টঃবুধবাৰে কেন্দ্ৰই উচ্চতম ন্যায়ালয়েক জনালে যে,অভিনেতা সুশান্ত সিং ৰাজপুতৰ মৃত্যু সন্দৰ্ভত চি.বি.আই তদন্ত কৰাৰ বাবে বিহাৰ চৰকাৰে কৰা আবেদন মঞ্জুৰ কৰিছে কেন্দ্ৰই ৷

সুশান্তৰ মৃত্যুৰ ডেৰ মাহৰ পিছতো কোনো শুংসূত্ৰ নোলাল মৃত্যুৰ ৰহস্যৰ ৷ এতিয়ালৈকে জানিব পৰা হোৱা নাই অভিনেতাগৰাকীৰ মৃত্যুৰ কাৰণ ৷ Solicitor General তুষাৰ মেহতাই বিচাৰক এচ.ৰায়ক জনাইছে বিহাৰ চৰকাৰে কৰা আবেদনৰ ভিত্তিত সুশান্তৰ মৃত্যুৰ তদন্তৰ দ্বায়িত্ব চি.বি.আইক অৰ্পণ কৰা হৈছে ৷

এইখিনিতে জনাই থওঁ যে, সুশান্তৰ পিতৃ কে.কে সিঙৰ দাবীৰ ভিত্তিতে বিহাৰ চৰকাৰে চি.বি.আই তদন্তৰ আবেদন জনায় ৷ মঙলবাৰে বিহাৰৰ মুখ্যমন্ত্ৰী নীতিশ কুমাৰে বিহাৰ চৰকাৰৰ তৰফৰ পৰা আবেদন জনাইছিল আৰু বুধবাৰে কেন্দ্ৰই মঞ্জুৰ কৰে এইআবেদন ৷

লগতে পঢ়কঃলাডাখ আৰু জম্মু-কাশ্মীৰত চীনৰ আক্ৰমণৰ প্ৰভাৱ