ৰজনীকান্তলৈ আন্তঃৰাষ্ট্ৰীয় ছবি মহোৎসৱ সোণালী জয়ন্তী বৰ্ষৰ 'আইকন' বঁটা

ভাৰতীয় ছবিজগতলৈ আগবঢ়োৱা অৱদানৰ বাবে জনপ্ৰিয় অভিনেতা ৰজনীকান্তলৈ আগবঢ়োৱা হ'ব আন্তৰাষ্ট্ৰীয় ছবি মহোৎসৱৰ সোণালী জয়ন্তী বৰ্ষৰ 'আইকন' বঁটা ৷ 20 নৱেম্বৰৰ পৰা 28 নৱেম্বৰলৈ গোৱাত অনুষ্ঠিত হ'ব আন্তৰাষ্ট্ৰীয় ছবি মহোৎসৱ ৷

নিউজ ডেস্ক, নৱেম্বৰ 02 :দক্ষিণ ভাৰতৰ জনপ্ৰিয় অভিনেতা ৰজনীকান্তলৈ আগবঢ়োৱা হ'ব আন্তঃৰাষ্ট্ৰীয় ছবি মহোৎসৱৰ সোণালী জয়ন্তী বৰ্ষৰ 'আইকন' বঁটা ৷ ভাৰতীয় ছবিজগতত অভিনেতাগৰাকীয়ে আগবঢ়োৱা অৱদানৰ বাবে তেঁওলৈ আগবঢ়োৱা হ'ব এই সন্মান ৷

ৰজনীকান্তলৈ আন্তৰাষ্ট্ৰীয় ছবি মহোৎসৱৰ সোণালী জয়ন্তী বৰ্ষৰ 'আইকন' বঁটা

একেদৰে, ফ্ৰাঞ্চ অভিনেত্ৰী Sabelle Hupertক প্ৰদান কৰা হ'ব বিদেশী শিল্পীৰ জীৱনজোৰা সাধনা বঁটা ৷ তথ্য আৰু সম্প্ৰচাৰ মন্ত্ৰী প্ৰকাশ জাভেদকাৰে ঘোষণা কৰে এই কথা ৷

sabelle Hupert লৈ বিদেশী শিল্পীৰ জীৱনজোৰা সাধনা বঁটা

20 নৱেম্বৰৰ পৰা 28 নৱেম্বৰলৈ গোৱাত অনুষ্ঠিত হ'বলগীয়া 50 সংখ্যক আন্তৰাষ্ট্ৰীয় ছবি মহোৎসৱ চমুকৈ IFFIত প্ৰদৰ্শিত হ'ব শ্ৰেষ্ঠ ছবিৰ অস্কাৰৰ বাবে মনোনীত হোৱা কেইবাখনো ছবি ৷

লগতে, বিশ্বৰ ভিন্ন প্ৰান্তৰ 50 গৰাকী মহিলা পৰিচালকৰ পৰিচালনাত নিৰ্মিত 50 খন ছবিও প্ৰদৰ্শিত হ'ব আন্তৰাষ্ট্ৰীয় ছবি মহোৎসৱত ৷