চিটাৰা ডেস্ক, ২২ জানুৱাৰী: বলিউড অভিনেতা প্ৰয়াত সুশান্ত সিং ৰাজপুতৰ নামেৰে নামকৰণ কৰা হ'ব দিল্লীৰ এণ্ড্ৰিইউ'ছ গঞ্জৰ এটা পথ । বৃহস্পতিবাৰে দক্ষিণ দিল্লী পৌৰ নিগমৰ কংগ্ৰেছ কাউন্সিলাৰ অভিষেক দত্তই অভিনেতাগৰাকীৰ ৩৫ সংখ্যক জন্মদিনৰ দিনা পথটোৰ নাম পৰিৱৰ্তনৰ প্ৰস্তাৱক মঞ্জুৰী প্ৰদান কৰে ।
সুশান্ত সিং ৰাজপুতৰ নামেৰে নামকৰণ দিল্লীৰ এটা পথ সুশান্তৰ মৃত্যুৰ ছমাহ পাচত তেওঁৰ স্মৃতিত দিল্লীৰ এণ্ড্ৰিইউ'ছ গঞ্জৰ এটা পথৰ নাম পৰিৱৰ্তনৰ প্ৰস্তাৱৰ অনুৰোধ জনোৱা হৈছিল । সেই অনুসৰিয়েই বৃহস্পতিবাৰে উক্ত প্ৰস্তাৱক মঞ্জুৰী প্ৰদান কৰা হয় ।
অতিশীঘ্ৰে এই পথটোৰ উদ্বোধনী কৰা হ'ব আৰু তেওঁৰ প্ৰাপ্যখিনিক সন্মান জনোৱাটো আমাৰ কৰ্তব্য বুলি এইদৰে মন্তব্য কৰে কাউন্সিলাৰ অভিষেক দত্তই ।
উল্লেখ্য যে, বৃহস্পতিবাৰে সুশান্ত সিং ৰাজপুতৰ ৩৫ সংখ্যক জন্মদিনৰ দিনা তেওঁৰ স্মৃতি সুঁৱৰি বলীউডৰ কেবাগৰাকী বিশিষ্ট তাৰকাৰ লগতে অলেখ শুভাকাংশীয়ে ছচিয়েল মিডিয়াত শ্ৰদ্ধাঞ্জলি জনায় । এই দিনটোতেই সুশান্তৰ ভগ্নী শ্বেতা সিং কৃতিয়ে বিশেষ জলপানিৰ ঘোষণা কৰে ।
২০২০ চনৰ ১৪ জুনত মহাৰাষ্ট্ৰৰ বান্দ্ৰাস্থিত নিজ গৃহত আত্মহত্যা কৰে । তেওঁৰ মৃত্যুক লৈ সমগ্ৰ বলীউড জগততে এক বিতৰ্কৰ সৃষ্টি হৈছিল । তেওঁৰ মৃত্যু সন্দৰ্ভত প্ৰেমিকা ৰিয়া চক্ৰৱৰ্তীৰ বিৰুদ্ধে নানা অভিযোগ উত্থাপন হৈছে । সম্প্ৰতি ৰিয়াৰ বিৰুদ্ধে গোচৰৰ অন্ত পৰা নাই । বৰ্তমানেও সুশান্তৰ মৃত্যু সন্দৰ্ভত চি বি আইৰ তদন্ত অব্যাহত আছে ।
লগতে পঢ়ক:হেপী বাৰ্থডে সুশান্ত : বলিউডৰ উৰ্ধত সপোন দেখা তাৰকাগৰাকীক স্মৰণ
