পোলেণ্ডৰ দ্যা চিটী কাউন্সিল অৱ ৰোকলাৱত অংকণ বিগ বিৰ পিতৃৰ নাম

অভিনেতা অমিতাভ বচ্চনৰ পিতৃ হৰিবংশ ৰায় বচ্চনৰ নাম এটি বৰ্গাকাৰত লিপিবদ্ধ পোলেণ্ডৰ The City Council of Wroclawৰ ৷ ইনষ্টাগ্ৰামযোগে এখন ফটো শ্বেয়াৰ কৰি এই কথা ব্যক্ত কৰে বিগ বিয়ে ৷

চিটাৰা ডেস্ক, 26 অক্টোবৰ : পোলেণ্ডৰ The City Council of Wroclawয়ে অভিনেতা অমিতাভ বচ্চনৰ পিতৃ হৰিবংশ ৰায় বচ্চনৰ নাম এটি বৰ্গাকাৰত লিপিবদ্ধ কৰি হৰিবংশ ৰায় বচ্চনক শ্ৰদ্ধাঞ্জলি জ্ঞাপন কৰে ৷ বলিউড আইকন অমিতাভ বচ্চনে ইনষ্টাগ্ৰামযোগে এখন ফটো শ্বেয়াৰ কৰি এই কথা ব্যক্ত কৰে ৷

বিগ বিয়ে মন্তব্য কৰে যে, "পোলেণ্ডৰ The City Council of Wroclawয়ে মোৰ পিতৃৰ নাম এক বৰ্গাকাৰত লিপিবদ্ধ কৰাৰ সিদ্ধান্ত গ্ৰহণ কৰিছে ৷ বিজয়া দশমী শুভক্ষণত ইয়াতকৈ আৰু ভাল উপহাৰ একো হ’ব নোৱাৰে ৷ আমাৰ পৰিয়াল আৰু ৰোকলাৱৰ ভাৰতীয় সংস্কৃতিৰ বাবে এয়া এক গৰ্বৰ বিষয়...জয় হিন্দ ৷"

অভিনেতা গৰাকীয়ে তেওঁৰ পিতৃৰ নাম অংকণ কৰা এখন ব’ৰ্ডৰ ফটো শ্বেয়াৰ কৰে ৷ নীলা,ৰঙা আৰু হালধীয়া ৰঙৰ ব’ৰ্ডখনত ‘‘Square Harivansh Rai Bachchan Wroclaw’’ লিখা হৈছে ৷

লগতে বিগ বিয়ে উল্লেখ কৰে যে, "বিগত বৰ্ষত ৰোকলাৱৰ মেয়ৰে মোক The City Council of Wroclawৰ এম্বেছাদৰ হিচাপে ঘোষণা কৰিছিল ৷ আজি বিশ্ববিদ্যালয়ৰ শিক্ষাৰ্থীসকলে মোৰ পিতৃৰ মধুশালাৰ এক আবৃতি অনুষ্ঠান সম্পন্ন কৰে ৷ ধন্যবাদ ৰোকলাৱ ৷"

লগতে পঢ়ক :মিৰ্জাপুৰ-2ত প্ৰতিবন্ধকতা লগাবলৈ দাবী সাংসদ অনুপ্ৰিয়া পেটেলৰ