চিটাৰা ডেস্ক,5 ডিচেম্বৰ : বলিউডৰ দুগৰাকী আউটস্পোকেন অভিনেত্ৰী স্বৰা ভাস্কৰ আৰু কংগনা ৰাণাৱটক টুইটাৰত এগৰাকীয়ে আনগৰাকীৰ ওপৰত আক্ৰমণ কৰা পৰিলক্ষিত হৈছে ৷ দুয়োগৰাকী অভিনেত্ৰীৰ ভিন্ন ভিন্ন ৰাজনৈতিক আদৰ্শ হোৱা হেতুকে দুয়ো তৰ্কত লিপ্ত হোৱা দেখা গৈছে ৷
শেহতীয়াকৈ নেটফ্লিক্সত মুক্তিলাভ কৰা স্বৰা ভাস্কৰ আৰু দিলজীৎ দোচাঞ্জ অভিনীত ছবি ‘Bhaag Beanie Bhaag’ দৰ্শকৰ পৰা ইতিবাচক সঁহাৰি লাভ কৰাৰ মাজতে দিলজীৎ দোচাঞ্জে কংগনা ৰাণাৱটক কমেণ্টসমূহৰ মাজত আমন্ত্ৰণ জনাইছে, যিটোৱে স্বৰাক অধিক আনন্দিত কৰি তুলিছে ৷
এক প’ৰ্টেলৰ সৈতে হোৱা বাৰ্তালাপত স্বৰাই কংগনাক উদ্দেশ্য়ি কয় যে,কংগনাই জ্যেষ্ঠসকলৰ প্ৰতি কৰা অসন্মানে তেওঁক চিন্তিত কৰি তোলে ৷ লগতে স্বৰাই জ্যেষ্ঠসকলক তেওঁৰ অগ্ৰহণযোগ্য কথা নকবলৈ কংগনাক অনুৰোধ জনায় ৷