হায়দৰাবাদৰ এখন স্থানীয় ভোজনালয়ত উপস্থিত চনু চুড

অভিনেতা চনু চুড বৰ্তমান চিৰঞ্জীৱ আৰু দক্ষিণৰ অন্যান্য বিখ্যাত অভিনেতাসকলৰ লগত তেওঁৰ আগন্তক চিনেমাৰ শ্বুটিংত ব্যস্ত আছে ।

চিটাৰা ডেস্ক, 26 ডিচেম্বৰ : বলিউড অভিনেতা চনু চুডে শুকুৰবাৰে হায়দৰাবাদৰ বেগমপেটৰ এখন স্থানীয় ভোজনালয়ত উপস্থিত হৈ স্বত্বাধিকাৰীগৰাকীক খ্ৰীষ্টমাছৰ উপহাৰ দিয়ে । অভিনেতাগৰাকীয়ে নিজে আগবাঢ়ি গৈ ভোজনালয়ৰ স্বত্বাধিকাৰী অনিলক সাক্ষাৎ কৰে আৰু তাৱাত খাদ্য বনাবলৈ আৰম্ভ কৰে । তেওঁ ফ্ৰাই ৰাইছ তৈয়াৰ কৰি তাৰ জুতি লয় ৷

হায়দৰাবাদৰ এখন স্থানীয় ভোজনালয়ত উপস্থিত চনু চুড

বেগমপেটৰ মাজমজিয়াস্থিত ভোজনালয়খনৰ নাম অভিনেতাগৰাকীৰ নামেৰে নামাকৰণ কৰা হৈছিল । চনু চুড উপস্থিত হোৱাৰ লগে লগে স্থানীয় লোকে ভোজনালয়খনত ভিৰ কৰেহি আৰু তেওঁক ছেলফীৰ বাবে অনুৰোধ জনায় । চনু চুডে ৰেষ্টুৰেণ্টত উপস্থিত লোকসকলক অনিলৰ পৰা অৰিহণা লৈ নিজৰ কৰ্মসংস্থাপনৰ ব্যৱস্থা নিজে ল’বলৈ পৰামৰ্শ প্ৰদান কৰে । আনহাতে অভিনেতাগৰাকীক নিজৰ ভোজনালয়ত দেখি স্বত্বাধিকাৰীগৰাকীয়ে আনন্দ প্ৰকাশ কৰে আৰু তেওঁক নিজৰ অনুপ্ৰেৰণা বুলি উল্লেখ কৰে ৷

হায়দৰাবাদৰ এখন স্থানীয় ভোজনালয়ত উপস্থিত চনু চুড

অভিনেতা চনু চুড বৰ্তমান চিৰঞ্জীৱ আৰু দক্ষিণৰ অন্যান্য বিখ্যাত অভিনেতাসকলৰ লগত তেওঁৰ আগন্তক চিনেমাৰ শ্বুটিংত ব্যস্ত আছে । চনু সুদে ল'ক ডাউনৰ সময়ত বিভিন্ন স্থানত আৱদ্ধ হৈ থকা প্ৰব্ৰজনকাৰী শ্ৰমিক তেওঁলোকৰ ঘৰলৈ প্ৰেৰণ কৰাৰ ব্যৱস্থা কৰি শিৰোনাম দখল কৰিছিল । তেলেংগানাৰ চিদিপেটৰ ডুবা তাণ্ডা গাঁৱৰ লোকসকলে অভিনেতাগৰাকীৰ লোকহিতৈষী কামক স্বীকৃতি দিয়াৰ বাবে এটা মন্দিৰ নিৰ্মাণ কৰে ।

লগতে পঢ়ক :অহা ২৮ ডিচেম্বৰত প্ৰধানমন্ত্ৰীয়ে উদ্বোধন কৰিব চালকবিহীন ডিএমআৰচি মেট্ৰ'