চিটাৰা ডেস্ক, ২৩ ডিচেম্বৰ: দুখন ফটোৰ জৰিয়তে ইনষ্টাগ্ৰামৰ অনুৰাগীৰ সৈতে ধেমালি কৰিলে অভিনেতা টাইগাৰ শ্ৰফে । ফটোকেইখনত দৃশ্যগ্ৰহণৰ বাবে তেওঁ সাজু হৈ থকা দেখা গৈছে । কিন্ত কি ছবি অথবা ছিৰিজৰ বাবে দৃশ্যগ্ৰহণ চলিছে সেই বিষয়ে অভিনেতাগৰাকীয়ে কোনো তথ্য প্ৰকাশ কৰা নাই । ইনষ্টাগ্ৰাম পোষ্টযোগে শ্বেয়াৰ কৰা ফটোকেইখনৰ কেপচনত টাইগাৰে লিখিছে 'ছামথিং কুকিং, অনুমান কৰক কি ?'
অভিনেতাগৰাকীয়ে ২.৭ মিলিয়ন অনুৰাগীৰ পৰা কিছু পৃথক প্ৰতিক্ৰিয়া আশা কৰিছিল যদিও বেছিসংখ্যক অনুৰাগীৰ পৰা তেওঁৰ শৰীৰৰ প্ৰশংসাত ফায়াৰ ইম'জি লাভ কৰে । যোৱা ২৩ নৱেম্বৰত একেই ফটো ধেমলীয়া কেপচনৰ সৈতে টাইগাৰে শ্বেয়াৰ কৰিছিল । তেওঁৰ মাতৃ আয়েছা শ্ৰফেও সেই সময়ত বিশেষ কিবা এটা শীঘ্ৰেই প্ৰকাশ পোৱাৰ ইংগিত দিয়ে ।