১২ জুলাইত ছবিগৃহলৈ আহিব 'জবৰীয়া জোৰী'

বিগত বৰ্ষৰ ২০ আগষ্টৰ পৰা আৰম্ভ হৈছিল 'জবৰীয়া জোৰী'ৰ শ্বুটিঙৰ কাম

নিউজ ডেস্ক, ৫ মাৰ্চঃ ১২ জুলাইত ছবিগৃহলৈ আহিব সিদ্ধাৰ্থ মালহোট্ৰা আৰু পৰিণীতি চোপ্ৰা অভিনীত ছবি 'জবৰীয়া জোৰী'। ছবি সমালোচক তৰণ আদৰ্শে টুইটাৰযোগে প্ৰকাশ কৰে এই কথা। 'বালাজী মোচন পিকচাৰ্ছ'ৰ বেনাৰত নিৰ্মিত 'জবৰীয়া জোৰী' ছবিখনৰ পৰিচালনা কৰিছে প্ৰশান্ত সিঙে। আনহাতে, ছবিখনৰ প্ৰযোজনা কৰিছে সোভনা কাপুৰ, একতা কাপুৰ আৰু শৈলেশ আৰ. সিঙে। সিদ্ধাৰ্থ আৰু পৰিণীতিৰ ওপৰিও ছবিখনত অভিনয় কৰিছে অপৰশক্তি খুড়ানা, সঞ্জয় মিশ্ৰ, নিৰাজ চুড, গোপাল দত্ত, জাভেদ জাফ্ৰি, চন্দন ৰয় সন্যালে।

বিগত বৰ্ষৰ ২০ আগষ্টৰ পৰা আৰম্ভ হৈছিল 'জবৰীয়া জোৰী'ৰ শ্বুটিঙৰ কাম। ছবিখনৰ অধিকাংশ শ্বুটিং সম্পন্ন হৈছে লক্ষ্নৌত। বিহাৰৰ এক বিবাহ কাহিনীক লৈ নিৰ্মাণ হৈছে ছবিখন। ইতিমধ্যে পৰিণীতি আৰু সিদ্ধাৰ্থ দুয়োগৰাকীয়ে নিজৰ টুইটাৰ একাউণ্টত শ্বেয়াৰ কৰিছে ছবিখনৰ পোষ্টাৰ। উল্লেখ্য যে, 'হাচী তো ফাচী'ৰ পাচত পুনৰ সিদ্ধাৰ্থ আৰু পৰিণীতিক একেলগে চাবলৈ অনুৰাগীৰ মাজত পৰিলক্ষিত হৈছে ব্যাপক উচাহ।