চিটাৰা ডেস্ক, 28 জানুৱাৰী : শ্ৰুতিৰ হাছানৰ আহিবলগীয়া থ্ৰিলাৰ ছবি Salaar ৰ নিৰ্মাতা প্ৰশান্ত নীলে শ্ৰুতিৰ জন্মদিনত অভিনেত্ৰী গৰাকীলৈ আগবঢ়াইছে বিশেষ উপহাৰ ৷ নিজৰ টুইটাৰ একাউণ্টত ছবিখনৰ পৰা শ্ৰুতি হাছানৰ প্ৰথমখন পোষ্টাৰ মুকলি কৰি জন্মদিনৰ শুভেচ্ছা যাচে চিত্ৰ নিৰ্মাতা গৰাকীয়ে (Shruti turns 36) ৷
জন্মদিনত শ্ৰুতি হাছানলৈ চিত্ৰ নিৰ্মাতা প্ৰশান্ত নীলৰ বিশেষ উপহাৰ ছবিখনত প্ৰভাষৰ সৈতে মুখ্য চৰিত্ৰত অভিনয় কৰিছে শ্ৰুতি হাছানে (Shrutis New Movie) ৷ ছবিখনৰ প্ৰথমখন পোষ্টাৰৰ পৰা অনুমান কৰিব পাৰি যে শ্ৰুতিয়ে আদ্যা নামৰ মুখ্য চৰিত্ৰটো ৰূপায়ন কৰিছে ৷
মুক্তি পাব লগীয়া চালাৰ ছবিখন এখন এক্সন, দুঃসাহসিক অভিযানৰ মনোৰঞ্জনধৰ্মী ছবি ৷ শ্ৰুতি হাছান আৰু প্ৰভাষৰ লগতে দক্ষিণৰ চুপাৰষ্টাৰ জগপতী বাবুৱেও এক গুৰুত্বপূৰ্ণ ভূমিকাত অভিনয় কৰিছে ছবিখনত ৷
ছবিখনৰ প্ৰযোজনা হ’মবালে ফিল্মছৰ ৷ চিত্ৰ নিৰ্মাতা প্ৰশান্ত নীল আৰু হ’মবালে ফিল্মছৰ তৃতীয়টো যুটীয়া প্ৰজেক্ট চালাৰ ছবিখন ৷ বৰ্তমানলৈকে ছবিখনৰ মুক্তিৰ তাৰিখ ঘোষণা হোৱা নাই ৷
লগতে পঢ়ক:Mouni Roy and Suraj Nambiar wedding: অৱশেষত বিয়াত বহিল মৌনী ৰয়
