বেলী নৃত্যৰ ভংগীমাৰে সকলোকে মন্ত্ৰমুগ্ধ কৰিছে শানায়া কাপুৰে

অভিনয়ৰ দক্ষতা প্ৰদৰ্শন কৰাৰ পূৰ্বে বেলী নৃত্যৰে সকলোৰে দৃষ্টি আকৰ্ষণ কৰিছে সঞ্জয় কাপুৰৰ কন্যা শানায়া কাপুৰে । শেহতীয়াকৈ বেলী নৃত্য প্ৰদৰ্শনৰ এক ভিডিঅ' ছ'চিয়েল মিডিয়াযোগে শ্বেয়াৰ কৰিছে সঞ্জয় তনয়াই । শীঘ্ৰেই কৰণ জোহৰৰ ছবিৰ জৰিয়তে ছবি জগতত খোজ পেলাব শানায়াই ।

চিটাৰা ডেস্ক, ২ এপ্ৰিল: পুনৰ বেলী নৃত্য প্ৰশিক্ষণৰ ভিডিঅ' শ্বেয়াৰ কৰিছে শানায়া কাপুৰে । অহা জুলাই মাহত বলীউড ছবিত অভিনয় কৰিবলৈ সাজু হোৱা শানায়াই শুক্ৰবাৰে ইনষ্টাগ্ৰাম পোষ্টযোগে নৃত্য কৰি থকা সময়ৰ ভিডিঅ' শ্বেয়াৰ কৰে । বেয়ন্স আৰু ছাকিৰাই কণ্ঠদান কৰা 'বিউটিফুল লায়াৰ' শীৰ্ষক গীতটিত নৃত্য কৰা দেখা গৈছে সঞ্জয় কাপুৰৰ কন্যা শানায়া কাপুৰক ।

ভিডিঅ'টো শ্বেয়াৰ কৰি শানায়াই লিখিছে যে, ফ্ল'ৰ ৱৰ্ক শিকাটো এক প্ৰত্যাহ্বান স্বৰূপ । লগতে এই নৃত্য কৰিবলৈ অনুপ্ৰেৰণা যোগোৱাৰ বাবে তেওঁ প্ৰশিক্ষক সঞ্জনা মুথৰেজাক ধন্যবাদ জ্ঞাপন কৰে । ভিডিঅ'টোত শানায়াৰ সৈতে সঞ্জনাকো দেখা গৈছে ।

যদিও শানায়াই এতিয়াও বলিউডত আত্মপ্ৰকাশ কৰা নাই তথাপি তেওঁ জাহ্নৱী কাপুৰৰ 'গুঞ্জন ছাক্সেনা' ছবিখনত এগৰাকী সহায়িকা হিচাপে কাম কৰিছে । ছবিখনত শানায়াৰ মাতৃ মাহীপ কাপুৰেও অভিনয় কৰিছে । কৰণ জোহৰৰ ধৰ্মা প্ৰডাকচনৰ ছবিত অভিনয় কৰিব শানায়া কাপুৰে ।

লগতে পঢ়ক:তেজৰ কৰ্কট ৰোগত আক্ৰান্ত প্ৰবীণ অভিনেত্ৰী কিৰণ খেৰ