চিটাৰা ডেস্ক,28 জুনঃঅভিনেত্ৰী ছামা ছিকন্দৰে কচমেটিক ছাৰ্জাৰী কৰা বুলি বাৰে বাৰে গুজৱ ওলাই থকাৰ পিছত শেহতীয়াকৈ অভিনেত্ৰী গৰাকীয়ে মুখ খুলিছে এই সন্দৰ্ভত ৷ শেহতীয়াকৈ তেওঁ কৈছে যে," এইটো জৰুৰী নহয় যে আপুনি প্ৰত্যেকবাৰ নিজক সলাবৰ বাবে কচমেটিক ছাৰ্জাৰীৰে সহায় ল'ব লাগিব ৷ ইয়াৰ সলনি মানুহে নিজৰ চিন্তাৰ বিকাশ কৰাটো জৰুৰী ৷ যাৰ জৰিয়তে আপুনি নিজৰ ভিতৰত নতুনত্ব অনুভৱ কৰিব পাৰিব" আৰু তেওঁ জনোৱা মতে নিজৰ লগত অভিনেত্ৰী গৰাকীয়ে সেয়াই কৰিছে ৷
মানুহৰ মাজত তেওঁৰ চেহেৰাক লৈ এই গুজৱ তেতিয়া আৰম্ভ হৈছিল যেতিয়া তেওঁ 10 বছৰীয়া চেলেঞ্জ গ্ৰহণ কৰি 10 বছৰৰ আগৰ ফটো আৰু বৰ্তমানৰ এখন ফটো শ্বেয়াৰ কৰিছিল ৷ আৰু তেতিয়াৰ পৰাই মানুহে তেওঁক ছাৰ্জাৰী কৰা বুলি সমালোচনা কৰি আহিছিল ৷