অৱশেষত শিৰোনাম নিশ্চিত কৰা হ'ল ছাহিদ-বিজয় ছেথুপতিৰ ৱেব ছিৰিজৰ

এমাজন প্ৰাইমত মুক্তি পাবলগীয়া ছবি নিৰ্মাতা ৰাজ আৰু ডি কেৰ আগন্তুক ৱেব ছিৰিজত মুখ্য চৰিত্ৰ ৰূপায়ণ কৰিব অভিনেতা ছাহিদ কাপুৰ আৰু বিজয় ছেথুপতিয়ে । কেইবা মাহ ধৰি চলি থকা জল্পনা-কল্পনাৰ অন্তত ছবি নিৰ্মাতাই ছাহিদ আৰু বিজয়ে অভিনয় কৰিবলগীয়া ৱেব ছিৰিজৰ শিৰোনাম নিশ্চিত কৰিলে ।

চিটাৰা ডেস্ক, ২৯ ডিচেম্বৰ: ছবি নিৰ্মাতা ৰাজ আৰু ডি কেৰ আগন্তুক ৱেব ছিৰিজৰ জৰিয়তে প্ৰথমবাৰৰ বাবে ডিজিটেল প্লেটফৰ্মত অভিনয়ৰ কৰিবলৈ সাজু অভিনেতা ছাহিদ কাপুৰ আৰু বিজয় ছেথুপতি । ২০২১ চনৰ জানুৱাৰী মাহৰ পৰা দৃশ্যগ্ৰহণ আৰম্ভ হ'বলগীয়া ৱেব ছিৰিজৰ নাম শেহতীয়াকৈ নিশ্চিত কৰিছে ছবি নিৰ্মাতাদ্বয়ে ।

গ' গোৱা গনৰ নিৰ্দেশক ৰাজ নিডিম'ৰু আৰু কৃষ্ণ ডি কেই নিৰ্মাণ কৰিব এমাজন প্ৰাইমত মুক্তি পাবলগীয়া আগন্তুক থ্ৰিলাৰ ৱেব ছিৰিজখন । মুখ্য চৰিত্ৰ ৰূপায়ণ কৰিব ছাহিদ কাপুৰ আৰু বিজয় ছেথুপতিয়ে । ইয়াৰ জৰিয়তে দুয়োগৰাকী অভিনেতাই ডিজিটেল প্লেটফৰ্মত নিজৰ অভিনয় জীৱনৰ পাতনি মেলিব ।

ছবি নিৰ্মাতাই ৱেব ছিৰিজৰ নাম ৰাজহুৱা কৰা নাই যদিও আগশাৰীৰ এখন ৱেবলইডত প্ৰকাশিত তথ্য মতে,তেওঁলোকে ৱেব ছিৰিজৰ নাম স্পষ্ট কৰিছে আৰু ৱেব ছিৰিজৰ শিৰোনাম হৈছে 'গৱাৰ' । ইতিমধ্যে ছাহিদ আৰু বিজয়ে দৃশ্যগ্ৰহণৰ দিনো ঠিৰাং কৰিছে । পূৰ্বে প্ৰকাশ পোৱা এক তথ্য অনুসৰি অহা বছৰৰ জানুৱাৰী মাহৰ পৰা ছাহিদে দৃশ্যগ্ৰহণ আৰম্ভ কৰিব । মুম্বাই আৰু গোৱাৰ বিভিন্ন স্থানত দৃশ্যগ্ৰহণ সম্পন্ন কৰা হ'ব ।

লগতে পঢ়ক:অসমত দ্বিতীয় দিনা আৰম্ভ হৈছে ক'ৰণা প্ৰতিষেধকৰ পৰীক্ষণ