চিটাৰা ডেস্ক , 11 অক্টোবৰ :মুম্বাইৰ ক্ৰুজ ড্ৰাগছ গোচৰত অভিযুক্ত শ্বাহৰুখ খানৰ পুত্ৰ আৰিয়ানে খানে আৰু কিছুদিন কাৰাগাৰতে দিন পাৰ কৰিব লাগিব ৷ যোৱা বুধবাৰে আৰিয়ান খান, আৰবাজ মাৰ্চেণ্ট আৰু মুনমুন ধামেছাৰ জামিন আবেদনৰ শুনানি হোৱাৰ কথা আছিল যদিও সত্ৰ ন্যায়াধীশে শুনানি স্থগিত ৰাখে ৷ যাৰ বাবে বুধবাৰে জামিন লাভ কৰিবলৈ সক্ষম নহ'ল আৰিয়ান ৷ অৰ্থাৎ আগন্তুক শুনানি পৰ্যন্ত কাৰাগাৰতে থাকিব লাগিব শ্বাহৰুখ তনয় ৷
প্ৰাপ্ত খবৰ অনুসৰি, NCBয়ে জামিন আবেদনৰ আনুষ্ঠানিক সঁহাৰি দিয়াৰ বাবে কিছু সময় বিচাৰিছে ৷ সেই অনুসৰি আদালতে NCB ক বুধবাৰলৈকে সময় দিছে ৷ বুধবাৰে ৰাতিপুৱা NCBয়ে সত্ৰ ন্যায়াধীশত ইয়াৰ প্ৰতিবেদন দাখিল কৰাৰ সম্ভাৱনা আছে ৷ এতিয়া NCBৰ প্ৰতিবেদন দাখিলৰ ওপৰত আৰিয়ান খানৰ জামিন আবেদনৰ শুনানি নিৰ্ভৰ কৰিছে ৷