চিটাৰা ডেস্ক,14 জুলাইঃ বলীউডৰ প্ৰসিদ্ধ অভিনেতা আৰু অনুপম খেৰৰ পিছত এইবাৰ অভিনেত্ৰী চাৰা আলী খানৰ ঘৰত ধৰা পৰিছে কৰ'ণা ভাইৰাছ ৰোগী ৷
অভিনেত্ৰীগৰাকীয়ে সোমবাৰে ৰাতি ইনষ্টাগ্ৰাম একাউন্ট যোগে জনাই যে, তেওঁৰ ড্ৰাইভাৰজনৰ শৰীৰত ধৰা পৰিছে কৰ'ণা ভাইৰাছৰ অৱস্থিতি ৷ ড্ৰাইভাৰ জন কৰ'ণা পজিটিভ বুলি জনাৰ পিছতে তেওঁক প্ৰেৰণ কৰা হয় কোৱাৰেন্টাইন চেন্টাৰলৈ ৷
চাৰাই লগতে জনাই যে, তেওঁৰ পৰিয়ালৰ মানুহ আৰু ঘৰৰ বাকী কৰ্মচাৰীৰ ৰিপ'ৰ্ট নিগেটিভ আহিছে ৷ তেওঁলোকে এইক্ষেত্ৰত যথেষ্ট সাৱধানতা অৱলম্বন কৰি আছে ৷ বী.এম.চিয়ে প্ৰদান কৰা গাইডলাইনৰ বাবে ধন্যবাদ জনাইছে অভিনেত্ৰীগৰাকীয়ে ৷
চাৰাই প'ষ্টটো দিয়াৰ পিছতে অনুৰাগীসকলে নিজৰ চিন্তা ব্যক্ত কৰা পৰিলক্ষিত হয় ৷ প'ষ্টটো দিয়াৰ কিছু সময়ৰ পিছতে কমেন্টেৰে উপচাই পেলালে অনুৰাগীয়ে ৷ অধিকাংশই অভিনেত্ৰীগৰাকীক সাৱধানে থাকিবলৈ কোৱাৰ লগতে নিজৰ যত্ন ল'বলৈ অনুৰোধ জনালে কমেন্ট যোগে ৷
লগতে পঢ়কঃঅমিতাভ বচ্চনৰ 26 গৰাকী কৰ্মচাৰী কৰ'ণা ভাইৰাছ নিগেটিভ