চিটাৰা ডেস্ক,30 ডিচেম্বৰ:শেহতীয়াকৈ এখন নতুন ছবিৰ বাবে হাত মিলাইছে ৰনবীৰ কাপুৰ আৰু সণ্ডীপ ভাংগা ৰেড্ডীয়ে ৷ টি-চিৰিজৰ বেনৰাত প্ৰস্তুত হ’বলগীয়া ছবিখনৰ নাম ‘এনিমেল’ বুলি বাচনি কৰিছে নিৰ্মাতাই ৷ উল্লেখ্য যে, নতুনকৈ এই দলত অন্তৰ্ভুক্ত হৈছে অভিনেত্ৰী ছাৰা আলী খান ৷
যদিও এইপৰ্যন্ত ছবিখনৰ কথা ঘোষণা কৰা হোৱা নাই কিন্তু ধাৰণা কৰা হৈছে ছবিখন এখন গেংষ্টাৰ ড্ৰামা হ’ব ৷ পূৰ্বে টি-চিৰিজৰ বেনাৰ নিৰ্মিত কবীৰ সিঙৰ অভূতপূৰ্ব সাফল্যৰ পিছত পুনৰ টি-চিৰজৰে একত্ৰিত হোৱাৰ সিদ্ধান্ত গ্ৰহণ কৰিছে সণ্ডীপে ৷ এই ছবিখনত ৰনবীৰৰ বিপৰীতে মুখ্য চৰিত্ৰত অভিনয় কৰিব ছাৰাই ৷
ছবিখনৰ নিৰ্মাতাই মহিলাৰ মুখ্য চৰিত্ৰটোৰ বাবে অ’ডিশ্যন গ্ৰহণ কৰাৰ সময়তেই ৷ ছাৰা আলী খানেও এই প্ৰক্ৰিয়াৰে ছবিখনৰ বাবে অ’ডিশ্যন প্ৰদান কৰিছে ৷ যদিও চৰিত্ৰটোৰ বাবে নিৰ্মাতাই কেইবাগৰাকীয়ো নায়িকাৰ নাম বিচাৰ কৰিছে ইয়াৰ মাজত ছাৰা নিশ্চিতভাৱে উপযুক্ত ৷ ছবিখনৰ নিৰ্মাণকাৰ্য ৰণবীৰৰ ব্ৰহ্মাস্ত্ৰ, সমশেৰ, আৰু শ্ৰদ্ধা কাপুৰৰ সৈতে অভিনীত লাভ ৰঞ্জনৰ দ্বাৰা পৰিচালিত ৰোমান্টিক কমেডিখনৰ শ্বুটিং সম্পূৰ্ণ হোৱাৰ পিছতহে আৰম্ভ কৰা হ’ব ৷
ইয়াৰ বিপৰীতে ছাৰা আলী খানক শেহতীয়াকৈ ডিজিটেলী মুক্তিলাভ কৰা কুলী নম্বৰ 1ত দেখিবলৈ পোৱা গৈছে ৷ লগতে ছাৰাই অক্ষয় কুমাৰ আৰু ধনুশৰ সৈতে অভিনয় কৰা ‘অতৰংগী ৰে’ ৰ শ্বুটিং সমাপ্ত কৰিছে ৷
লগতে পঢ়ক-ৰাজস্থানত আলিয়া ভাটক আঙুঠি পিন্ধাব ৰণবীৰে!
