সঞ্জয় দত্তৰ আহিবলগীয়া ছবি 'প্ৰস্থানম'ৰ টিজাৰ মুকলি

আজি অভিনেতা সঞ্জয় দত্তৰ ওপজা দিন ৷ 60 বছৰত ভৰি দিলে বলীউডৰ মুন্নাভাই খ্যাত অভিনেতাগৰাকীয়ে ৷

সঞ্জয় দত্তৰ ওপজা দিনটোতে মুকলি হয় তেখেতৰ আহিবলগীয়া ছবি 'প্ৰস্থানম'ৰ টিজাৰ ৷ পৰিচালক দেৱা কাট্টাই ছবিখন পৰিচালনা কৰাৰ বিপৰীতে প্ৰযোজনা কৰিছে ৰবি ভাল্লাৱানেনীয়ে ৷ চলিত বৰ্ষৰ 20 ছেপ্তেম্বৰত মুক্তি পাব মুন্নাভাই অভিনীত ছবিখন ৷

'প্ৰস্থানম'ত সঞ্জয় দত্তৰ সৈতে দেখিবলৈ পোৱা যাব অভিনেত্ৰী মনীষা কৈৰালা,জেকি শ্ৰফ,চাংকি পাণ্ডে,আলি ফজল,আইম্ৰা ডাচটাৰ আৰু সত্যজিৎ ডুবেক ৷ উল্লেখ্য যে,দীৰ্ঘদিনত অন্তত পুনৰ ৰূপালী পৰ্দাত দেখিবলৈ পোৱা যাব অভিনেত্ৰী মনিষা কৈৰালাক ৷ কেঞ্চাৰ ৰোগত আক্ৰান্ত হৈ বিদেশত চিকিৎসাধীন হৈ থকাৰ বাবে দীৰ্ঘদিনে অভিনয়ৰ পৰা বিৰত আছিল অভিনেত্ৰীগৰাকী ৷ 'প্ৰস্থানম'ৰ লগতে চলিত বৰ্ষত মুক্তি পাবলগীয়া ছবি '99 চং' আৰু আগন্তুক বৰ্ষত মুক্তি পাবলগীয়া ছবি 'ৰাগু ৰাজা ৰাম'তো দেখিবলৈ পোৱা যাব অভিনেত্ৰী মনীষা কৈৰালাক ৷