চিটাৰা ডেস্ক,3 মে'ঃহিন্দী বোলছবিৰ প্ৰসিদ্ধ অভিনেত্ৰী নৰগিছ দত্তে নিজৰ জীৱনত এখনতকৈ এখন হিট ছবি দৰ্শকক প্ৰদান কৰিছে ৷ 5 বছৰ বয়সৰ পৰাই নৰগিছ দত্তে আৰম্ভ কৰিছিল নিজৰ অভিনয়ৰ কেৰিয়াৰ ৷ মাদাৰ ইণ্ডিয়া, চৌৰি-চৌৰি, আৱাৰা, আহ অৰ অনহৌনীৰ দৰে বহুতো জনপ্ৰিয় ছবিত অভিনয় কৰিছিল ৷
মাতৃ নৰগিছ দত্তৰ মৃত্যু বাৰ্ষিকীত আৱেগিক হৈ পৰিল পুত্ৰ সঞ্জয় দত্ত
আজি প্ৰসিদ্ধ অভিনেত্ৰী নৰগিছ দত্তৰ 39 সংখ্যক মৃত্যুবাৰ্ষিকী ৷ অভিনেতা পুত্ৰ সঞ্জয় দত্তে মাতৃৰ মৃত্যুবাৰ্ষিকী উপলক্ষে মাতৃৰ সৈতে উঠা এখন ফটো শ্বেয়াৰ কৰাৰ লগতে এটা আৱেগিক বাৰ্তা লিখে ছ'চিয়েল মিডিয়াত ৷
মাতৃ নৰগিছ দত্তৰ মৃত্যু বাৰ্ষিকীত আৱেগিক হৈ পৰিল পুত্ৰ সঞ্জয় দত্ত
1981 চনৰ 3 মে'ত 58 বছৰ বয়সত কেঞ্চাৰ ৰোগত আক্ৰান্ত হৈ মৃত্যুবৰণ কৰে অভিনেত্ৰীগৰাকীয়ে ৷ আজি অভিনেত্ৰী গৰাকীৰ 39 সংখ্যক মৃত্যুবাৰ্ষিকীত পুত্ৰ সঞ্জয় দত্তে মাতৃৰ সৈতে উঠা এখন ফটোৰ সৈতে এটা আৱেগিক প'ষ্ট শ্বেয়াৰ কৰে ৷
তেওঁ লিখে," আপুনি আমাক এৰি থৈ যোৱাৰ 39টা বছৰ হ'ল, কিন্তু মই জানো আপুনি আজিও মোৰ লগতে আছে ৷ আপুনি যদি আজি আৰু সদায়েই মোৰ লগত থাকিব পাৰিলে হয় , মই আপোনাৰ সদায়েই মনত পেলাও আৰু আপোনাক বহুত ভাল পাওঁ মা ৷ "