চিটাৰা ডেস্ক, 4 মাৰ্চ :দক্ষিণৰ চলচ্চিত্ৰ উদ্যোগৰ বিখ্যাত অভিনেত্ৰী সামান্থা ৰুথ প্ৰভুয়ে 'পুষ্পা' বোলছবিখনত এটা আইটেম নাম্বাৰ কৰি সমগ্ৰ বিশ্বতে খলকনি তুলিছে । 'পুষ্পা' ছবিখনৰ পিছত অভিনেত্ৰীগৰাকী 'শকুন্তলাম' চলচ্চিত্ৰখনৰ বাবেও চৰ্চালৈ আহিছে । শেহতীয়াকৈ চলচ্চিত্ৰখনৰ সম্পৰ্কত বিভিন্ন বাতৰি প্ৰকাশ হৈছে ।
সামান্থাৰ অনুৰাগীসকলৰ বাবে আন এটা ভাল খবৰ । পুনৰ এখন নতুন চিনেমাৰে দৰ্শকক আমোদ দিবলৈ সাজু হৈছে অভিনেত্ৰী গৰাকী (actress samantha new film) ৷ এই চলচ্চিত্ৰখনত সামান্থাক দক্ষিণৰ জনপ্ৰিয় অভিনেতা বিজয় দেৱেৰাকোণ্ডাৰ সৈতে দেখিবলৈ পোৱা যাব । অভিনেতা নাগা চৈতন্যৰে বিবাহ বিচ্ছেদৰ পিছৰে পৰা সামান্থাই ভ্ৰমণৰ লগতে এটাৰ পিছত এটা প্ৰজেক্টেৰে ব্যস্ত ৰাখিছে নিজকে (samantha ruth prabhu latest news) ৷
সংবাদ মাধ্যমত প্ৰকাশিত বাতৰি অনুসৰি, চলচ্চিত্ৰ পৰিচালক শিৱ নিৰ্বাণে এখন চলচ্চিত্ৰ নিৰ্মাণ কৰাৰ প্ৰকল্প হাতত লৈছে ৷ মূল চৰিত্ৰ দুটাৰ বাবে তেওঁৰ পছন্দ সামান্থা আৰু বিজয় (samantha vijay film together) ৷ বিজয় দেৱেৰাকোণ্ডাৰ সৈতে কথা বতৰা কৰিছে ইতিমধ্যে পৰিচালক গৰাকীয়ে ৷ চলচ্চিত্ৰখনৰ দৃশ্যগ্ৰহণ এতিয়াও আৰম্ভ হোৱা নাই । শ্বুটিঙৰ বাবে স্থানৰ অনুসন্ধান অব্যাহত আছে ৷