চিটাৰা ডেস্ক,29 জানুৱাৰীঃশেহতীয়াকৈ ভাইৰেল হয় চুপাৰষ্টাৰ চলমান খানৰ এটা ভাইৰেল ভিডিঅ' ৷ য'ত গোৱা বিমানবন্দৰত এজন অনুৰাগী তথা বিমান বন্দৰৰ কৰ্মকৰ্তাই চেল্ফি তোলাৰ প্ৰয়াস কৰোঁতে চলমান খানে তেওঁৰ পৰা মোবাইল কাঢ়ি লোৱা পৰিলক্ষিত হৈছে ৷ ভিডিঅ'টো ভাইৰেল হোৱাৰ পিছতে জাঙুৰ খাই উঠিছে ছাত্ৰ সংগঠনসমূহ ৷
কংগ্ৰেছ দলৰ ছাত্ৰ সংগঠনে এই ক্ষেত্ৰত বিশেষ তৎপৰতা দেখুওৱা পৰিলক্ষিত হৈছে ৷ এন.এচ.ইউ.আইয়ে গোৱাৰ মুখ্যমন্ত্ৰীক আবেদন কৰে যে যেতিয়ালৈকে চলমানখানে অনুৰাগীক কৰা এনে দুৰ্ব্যৱহাৰৰ বাবে ক্ষমা নোখোজে তেতিয়ালৈকে গোৱাত নিষিদ্ধ কৰা হওক অভিনেতাগৰাকীক ৷ সমান্তৰালভাৱে গোৱা বিজেপিৰ সাধাৰণ সম্পাদক আৰু প্ৰাক্তন সাংসদ নৰেন্দ্ৰ চাৱাইকাৰে চলমানখানৰ এনে আচৰণৰ বাবে ক্ষমাৰ দাবী উত্থাপন কৰিছে ৷