‘ভাই ভাই’ শীৰ্ষক গীতটি শুনিবলৈ নৱপ্ৰজন্মক অনুৰোধ অভিনেতা চলমান খানৰ

বলিউডৰ মেগাষ্টাৰ চলমান খানে কিছুদিন পূৰ্বে ঈদৰ প্ৰাকক্ষণত চ’ছিয়েল মিডিয়াত মুক্তি লাভ কৰা তেওঁৰ কণ্ঠৰে নিগৰা ‘ভাই ভাই‘ শীৰ্ষক গীতটিত দৰ্শকৰ সঁহাৰি পাই অভিভূত হৈ পৰে ৷ লগতে সকলোকে বিশেষকৈ নৱপ্ৰজন্মক একতা ভ্ৰাতৃত্বমূলক গীত শুনিবলৈ আহ্বান জনায় অভিনেতাগৰাকীয়ে ৷

চিটাৰা ডেস্ক, 28 মে’: সাম্প্ৰদায়িক সম্প্ৰীতি আৰু ভ্ৰাতৃত্বৰ ওপৰত ৰচিত নিজ কণ্ঠৰে নিগৰা ‘ভাই ভাই’ শীৰ্ষক গীতটি কিছুদিন পূৰ্বে মুকলি কৰাৰ পিছত বলিউডৰ ভাইজান চলমান খানে নৱপ্ৰজন্মক এই গীতটি শুনিবলৈ আহ্বান জনায় ৷

চুলতান চলমান খানে চ’ছিয়েল মিডিয়াযোগে গীতটিৰ এখন পোষ্টাৰ শ্বেয়াৰ কৰি তেওঁৰ অনুৰাগীসকলক ধন্যবাদ জ্ঞাপন কৰে ৷ 3 মিনিট 55 ছেকেণ্ডৰ এই গীতটিয়ে ভ্ৰাতৃত্ববোধৰ এক বাৰ্তা প্ৰেৰণ কৰিছে ৷ লগতে বিভিন্ন ধৰ্মৰ লোকসকলৰ মাজত একতাৰ বাৰ্তা প্ৰেৰণ কৰা হৈছে ৷

উল্লেখ্য যে, লক ডাউনৰ সময়ছোৱাত মেগাষ্টাৰ চলমান খানে মুকলি কৰা ‘ভাই ভাই’ হৈছে তৃতীয়টি গীত ৷ ইয়াৰ পূৰ্বে তেওঁ ‘প্যাৰ কৰোনা’ আৰু ‘তেৰে বিন’ শীৰ্ষক গীত দুটি মুকলি কৰিছিল ৷

লগতে পঢ়ক: ব্লকবাষ্টাৰ ‘অমৰ আকবৰ এন্থোনী’ৰ 43 বৰ্ষপূৰ্তি