চিটাৰা ডেস্ক, 15 মাৰ্চ:আহি আছে এখন নতুন চিনেমা ৰানৱে 34 ৷ ভাইজান ছলমান খানে মঙলবাৰে পুৱা মুকলি কৰিলে ছবিখনৰ টিজাৰ ৷ ৰানৱে 34 ত অভিনয় কৰিছে অজয় দেৱগণ, বিগ বি অমিতাভ বচ্চন আৰু ৰাকুল প্ৰীত সিঙে (Runway 34 cast) ৷
47 ছেকেণ্ডৰ ভিডিঅ' ক্লিপটোত 35,000 ফুট উচ্চতাত দুগৰাকী পাইলটে সন্মুখীন হোৱা ভয়াৱহতাক দেখুওৱা হৈছে । ধাৰাসাৰ বৰষুণৰ বাবে বিমান অৱতৰণ কৰিব নোৱাৰা পৰিস্থিতিত অজয় আৰু ৰাকুলৰ পদক্ষেপ কি হ’ব সেইয়া দৰ্শকৰ বাবে ৰোমাঞ্চকৰ হ’ব ৷
নিজৰ ধেমেলীয়া স্বভাৱৰ বাবে জনাজাত ছলমান খানে ছবিখনৰ টিজাৰ মুকলি কৰি টুইটাৰত লিখিলে, "মোৰ হাতত বৰ্তমানে একো ছবি নাই, সেয়েহে মই মোৰ ভাই অজয় দেৱগণক ঈদত ঈদী দিবলৈ অনুৰোধ কৰিলো ৷ ঠিক আছে আমি সকলোৱে এইবাৰ ঈদত ৰানৱে 34 উপভোগ কৰিম" ৷
ৰানৱে 34 ৰ দ্বাৰা জনপ্ৰিয় ইউটিউবাৰ অজয় নাগৰ, যাক সকলোৱে কেৰী মীনাটী হিচাপে চিনি পাই, তেও নিজৰ অভিনয় জীৱনৰ পাতনি মেলিব বলীউডত (CarryMinati Bollywood debut) ৷ সত্য ঘটনাৰ ওপৰত আধাৰিত এই থ্ৰিলাৰ ছবিখনৰ ট্ৰেইলাৰ 21 মাৰ্চত মুকলি কৰা হ’ব ৷ ছবিখনে চলিত বৰ্ষৰ 29 এপ্ৰিলত মুক্তি লাভ কৰিব (Runway 34 release date) ৷
লগতে পঢ়ক:Sholay Song of RRR : বহু প্ৰতীক্ষিত ছবি আৰ আৰ আৰৰ প্ৰথমটো গীত মুকলি
