চিটাৰা ডেস্ক, 3 মাৰ্চ : ছলমান খানৰ অনুৰাগীসকললৈ সু-খবৰ ৷ এই বছৰতে মুক্তি লাভ কৰিব ছলমানৰ বহু চৰ্চিত ছবি কভী ঈদ কভী দিৱালীয়ে (Salman khan new movie) ৷
ছবিখনৰ মুক্তিৰ তাৰিখ সলনি কৰি এইবছৰলৈ অনা হৈছে ৷ দৰাচলতে, ছবিখন অহা বছৰ ঈদত মুকলি হোৱাৰ কথা আছিল ৷ এতিয়া ছবিখনৰ নিৰ্মাতাসকলে চলিত বৰ্ষৰ শেষৰ ফালে অৰ্থাৎ ছলমানৰ জন্মদিন লগত সংগতি ৰাখি 30 ডিচেম্বৰত মুক্তি দিব (Kabhi Eid Kabhi Diwali release date) ৷ 27 ডিচেম্বৰত ছলমানে 56 বছৰ সম্পূৰ্ণ কৰিব ৷
কভী ঈদ কভী দিৱালীৰ নিৰ্দেশনা কৰিছে ফৰহাদ সামজীয়ে ৷ প্ৰাপ্ত বাতৰি অনুসৰি, আগন্তুক বৰ্ষৰ ঈদত ছলমান কেটৰিণা অভিনীত টাইগাৰ 3 য়ে মুক্তি লাভ কৰিব ৷
কভী ঈদ কভী দিৱালীত ছলমানৰ সৈতে দক্ষিণৰ চলচ্চিত্ৰ অভিনেত্ৰী পূজা হেগড়েই মুখ্য চৰিত্ৰত অভিনয় কৰিছে (Pooja Hegde movie with Salman)। ছবিখন চাজিদ নাদিয়াডৱালাই প্ৰযোজনা কৰিব । দক্ষিণৰ অভিনেতা ভেংকটেশকো এই ছবিখনত দেখা পোৱা যাব ।
লগতে পঢ়ক:Prithviraj Movie Actors : পুনৰ সলনি হ’ল পৃথ্বীৰাজৰ মুক্তিৰ তাৰিখ